രാഷ്ട്രപതി സന്നിധാനത്ത്: ഇരുമുടിക്കെട്ടുമായി പതിനെട്ടാംപടി കയറി; തന്ത്രി പൂർണകുംഭം നൽകി സ്വീകരിച്ചു

LHC0088 · 2025-10-28 09:43:06

പത്തനംതിട്ട ∙ രാഷ്ട്രപതി ദ്രൗപദി മുർമു ശബരിമലയിൽ എത്തി. 11.45നാണ് രാഷ്ട്രപതി പതിനെട്ടാം പടി കയറിയത്. പ്രത്യേക വാഹനത്തിൽ 15 മിനിറ്റ് കൊണ്ടാണ് രാഷ്ട്രപതി ശബരിമലയിൽ‌ എത്തിയത്. രാഷ്ട്രപതിക്കൊപ്പം അംഗരക്ഷകരും ഇരുമുടി കെട്ടേന്തിയാണ് മല കയറിയത്. രാഷ്ട്രപതി അയ്യപ്പനെ തൊഴുന്ന സമയത്ത് പിന്നിൽ ദേവസ്വം മന്ത്രി വി.എൻ. വാസവനും ഉണ്ടായിരുന്നു.

Also Read രാഷ്ട്രപതി സഞ്ചരിച്ച ഹെലികോപ്റ്റർ കോൺക്രീറ്റിൽ താഴ്ന്നു, തള്ളിമാറ്റി; പ്രമാടത്ത് കോൺക്രീറ്റിട്ടത് ഇന്നലെ, സുരക്ഷ വീഴ്ച

പമ്പയിലെത്തിയ രാഷ്ട്രപതി അവിടെ നിന്നും കെട്ടുനിറച്ചാണ് ശബരിമല കയറിയത്. രാഷ്ട്രപതി പടി കയറി കൊടിമരച്ചുവട്ടിൽ എത്തുമ്പോൾ തന്ത്രി കണ്ഠര് മഹേഷ് മോഹനര് പൂർണകുംഭം നൽകി സ്വീകരിച്ചു. ദർശനത്തിനു ശേഷം ദേവസ്വം ഗസ്റ്റ് ഹൗസിലാണു ഭക്ഷണവും വിശ്രമവും. 3 വരെ അവിടെ ഉണ്ടാകും. രാഷ്ട്രപതിക്ക് ദേവസ്വം ബോർഡിന്റെ ഉപഹാരമായി കുമ്പിളിന്റെ തടിയിൽ കൊത്തിയെടുത്ത അയ്യപ്പ രൂപം സമ്മാനിക്കും.

സന്നിധാനം, പമ്പ, നിലയ്ക്കൽ എന്നിവിടങ്ങളിൽ കർശന സുരക്ഷയാണ് ഏർപ്പെടുത്തിയിരിക്കുന്നത്. തിരുമുറ്റം, സോപാനം, പതിനെട്ടാംപടി, മാളികപ്പുറം, രാഷ്ട്രപതി താമസിക്കുന്ന ദേവസ്വം ഗെസ്റ്റ്ഹൗസ് എന്നിവ പ്രത്യേക സുരക്ഷാ സംഘത്തിന്റെ നിയന്ത്രണത്തിലാണ്. മലകയറും മുൻപ് രാഷ്ട്രപതിക്ക് പമ്പാ സ്നാനം നടത്താൻ ത്രിവേണിയിൽ ജലസേചന വകുപ്പ് താൽക്കാലിക സ്നാനഘട്ടം ഒരുക്കിയിരുന്നു.
LIVE UPDATES

SHOW MORE
English Summary:
President Murmu\“s Sabarimala visit : President Murmu\“s Sabarimala visit marks a significant event. The President visited the Ayyappan temple and offered prayers amidst tight security arrangements at Sabarimala and surrounding areas.

		Remember me	Forgot password?
Password			Register now

രാഷ്ട്രപതി സന്നിധാനത്ത്: ഇരുമുടിക്കെട്ടുമായി പതിനെട്ടാംപടി കയറി; തന്ത്രി പൂർണകുംഭം നൽകി സ്വീകരിച്ചു

Related threads

Post a reply

Previous / Next

Explore interesting content

Viewed forums

New post