തിരുവനന്തപുരം ∙ ശബരിമല സ്വര്ണക്കവര്ച്ചക്കേസില് ദേവസ്വം കമ്മിഷണര് ആയിരുന്ന എന്.വാസുവിനെ അറസ്റ്റ് ചെയ്യണമെന്നും വാസു കുടുങ്ങിയാല് മന്ത്രിമാരും സിപിഎം നേതാക്കളും കുടുങ്ങുമെന്നും പ്രതിപക്ഷ നേതാവ് വി.ഡി.സതീശന്. സ്വര്ണക്കൊള്ളയില് പങ്കുള്ള നിലവിലെ ദേവസ്വം ബോര്ഡിന്റെ കാലാവധി നീട്ടാന് പ്രതിപക്ഷം അനുവദിക്കില്ലെന്നും പ്രതിപക്ഷ നേതാവ് പറഞ്ഞു.
Also Read ശബരിമല സ്വർണക്കൊള്ള: ആ ദേവസ്വം കമ്മിഷണർ അകത്താവും; പ്രധാന വ്യക്തിയെ അറസ്റ്റ് ചെയ്യാൻ എസ്ഐടി നീക്കം
ദ്വാരപാലക ശില്പങ്ങള് അറ്റകുറ്റപണികള്ക്കു കൊണ്ടു പോകുന്നതില് ദേവസ്വം ബോര്ഡ് അനാവശ്യ തിടുക്കം കാട്ടിയെന്ന് ഹൈക്കോടതി കണ്ടെത്തിയിരിക്കുകയാണ്. ഇതു തന്നെയാണ് പ്രതിപക്ഷവും നിരന്തരമായി പറഞ്ഞുകൊണ്ടിരുന്നത്. ശബരിമലയിലെ പരമാധികാരി ഉണ്ണിക്കൃഷ്ണന് പോറ്റിയായിരുന്നെന്ന പ്രതിപക്ഷ ആരോപണത്തിനും ഹൈക്കോടതി അടിവരയിട്ടുവെന്നും സതീശൻ പറഞ്ഞു.
Also Read ശബരിമല സ്വർണക്കൊള്ള: വാസുവിനെ തൊടാൻ മടിച്ച് എസ്ഐടി
‘‘2018 മുതല് 2025 വരെ ശബരിമല കേന്ദ്രീകരിച്ച് നടന്ന തട്ടിപ്പുകള് അന്വേഷണ പരിധിയില് ഉള്പ്പെടുത്തിയ സാഹചര്യത്തില് നിലവിലെ ദേവസ്വം ബോര്ഡിന് ഒരു നിമിഷം പോലും സ്ഥാനത്ത് തുടരാന് അര്ഹതയില്ല. കൊള്ളസംഘത്തെ ചവിട്ടി പുറത്താക്കുന്നതിനു പകരം അവരുടെ കാലാവധി നീട്ടി നല്കാനാണ് സര്ക്കാരും സിപിഎമ്മും ശ്രമിക്കുന്നത്. സ്വര്ണക്കൊള്ളയിലെ സിപിഎം ഉന്നത നേതൃത്വത്തിന്റെ പങ്ക് മറച്ചുവയ്ക്കാനാണിത്. ദേവസ്വം ബോര്ഡിന്റെ കാലാവധി നീട്ടാന് ശ്രമിച്ചാല് അത് ഒരു കാരണവശാലും അനുവദിക്കില്ല.
മാതാപിതാക്കളുടെ വിശ്വാസം തെറ്റ്, മക്കൾ മനസ്സു തുറക്കുന്നത് ‘ജീവനില്ലാത്ത’വയോടും; മന്ത്രവാദത്തിലും വിശ്വാസം! ലൈംഗിക അതിക്രമം തുറന്നു പറയുമോ?
അയാൾ ഉണരും രാത്രി ഒന്നിനും മൂന്നിനും ഇടയ്ക്ക്; കേരളത്തിലെ ട്രെയിനുകളിൽ ഇപ്പോഴും യാത്ര ചെയ്ത് ‘ഗോവിന്ദച്ചാമിമാർ’; ഇനിയും തിരിച്ചറിഞ്ഞില്ലേ ഈ ‘ക്രൈം സ്പോട്ട്’?
ക്രിക്കറ്റില്ലെങ്കിലും ജീവിക്കേണ്ടേ എന്നു ചോദിച്ച ക്യാപ്റ്റൻ; ഫൈനലിൽ ഇന്ത്യയെ വിറപ്പിച്ച ലോറ, മൈതാനത്തെ ‘പഠിപ്പിസ്റ്റ്’
MORE PREMIUM STORIES
സ്വര്ണം പൊതിഞ്ഞ കട്ടിളപ്പാളികള് രേഖകളില് ചെമ്പാക്കിയത് എന്.വാസു ദേവസ്വം കമ്മിഷണറായിരുന്ന കാലത്താണെന്ന് കണ്ടെത്തിയിട്ടുണ്ട്. വാസുവിനെ അറസ്റ്റ് ചെയ്യണം. സ്വര്ണം ബാക്കിയുണ്ടെന്നും വിവാഹാവശ്യത്തിന് ഉപയോഗിക്കാമെന്നും അറിയിച്ച് കേസിലെ ഒന്നാം പ്രതിയായ ഉണ്ണിക്കൃഷ്ണന് പോറ്റി 2019 ഡിസംബര് 9ന് എന്. വാസുവിന് ഇ-മെയില് അയച്ചിരുന്നു. ഇക്കാര്യം വാസുവും സ്ഥിരീകരിച്ചിട്ടുണ്ട്.
രണ്ടു തവണ ദേവസ്വം കമ്മിഷണറും സ്വര്ണക്കൊള്ള നടന്ന് മാസങ്ങള്ക്കു ശേഷം ദേവസ്വം ബോര്ഡ് പ്രസിഡന്റുമായ വ്യക്തിയാണ് എന്.വാസു. വാസു കമ്മിഷണറായിരുന്ന കാലത്താണ് യുവതീപ്രവേശനം ഉള്പ്പെടെ നടന്നത്. കമ്മിഷണര് സ്ഥാനത്തു നിന്നിറങ്ങി ഏതാനും മാസത്തിനുള്ളില് ദേവസ്വം ബോര്ഡ് പ്രസിഡന്റായി വാസു മടങ്ങിയെത്തയത് അദ്ദേഹത്തിന് സിപിഎമ്മിലും സര്ക്കാരിലുമുള്ള സ്വാധീനം വ്യക്തമാക്കുന്നതാണെന്നും പ്രതിപക്ഷ നേതാവ് പറഞ്ഞു. English Summary:
VD Satheesan Alleges CPM Involvement in Temple Fraud: Sabarimala Gold Scam involves allegations against N.Vasu and potential involvement of ministers and CPM leaders. VD Satheesan demands N.Vasu\“s arrest and opposes extending the Devaswom Board\“s term, citing irregularities in Sabarimala.
