തിരുവനന്തപുരം ∙ ടൈറ്റാനിയം ജോലി തട്ടിപ്പ് കേസിൽ അഞ്ചാം പ്രതിയും കമ്പനിയിലെ ലീഗല്‍ ഡപ്യൂട്ടി ജനറൽ മാനേജരുമായ ശശികുമാരൻ തമ്പി കേസിൽ നിന്നു തന്നെ ഒഴിവാക്കണമെന്ന് ആവശ്യപ്പെട്ട് സമർപ്പിച്ച ഹർജി തള്ളി. തട്ടിപ്പ് കേസിലെ അഞ്ചാം പ്രതി മറ്റ് പ്രതികളുമായി ചേർന്ന് തൊഴിൽ തട്ടിപ്പ് നടത്തിയതിനു തെളിവുകൾ ഉണ്ടെന്ന പ്രോസിക്യൂഷൻ വാദം പരിഗണിച്ചാണ് നടപടി. തിരുവനന്തപുരം ഒന്നാം ക്ലാസ് ജുഡീഷ്യൽ മജിസ്ട്രേറ്റ് ടാനിയ മറിയം ജോസിന്റേതാണ് ഉത്തരവ്.
- Also Read ചെയർമാൻ പദം തെറിച്ചതിൽ പ്രേംകുമാറിന് അതൃപ്തി; റസൂല്‍ പൂക്കുട്ടി ചുമതലയേറ്റ ചടങ്ങില്‍നിന്ന് വിട്ടുനിന്നു
ശശികുമാരൻ തമ്പി ചെയ്തത് നിയമപരമായി ചെയ്യേണ്ട കാര്യങ്ങളാണെന്നും തട്ടിപ്പുമായി ഒരു ബന്ധവും ഇല്ലെന്നും പ്രതിഭാഗം വാദിച്ചിരുന്നു. എന്നാൽ ഇത്തരം കാര്യങ്ങൾ വിചാരണ ഘട്ടത്തിൽ പരിഗണിക്കാം എന്ന് കോടതി നിരീക്ഷിച്ചു. കന്റോൺമെന്റ് പൊലീസ് റജിസ്റ്റർ ചെയ്ത കേസിലാണ് നടപടി.
- Also Read ‘വന്നത് അമ്മമാർ ക്ഷണിച്ചിട്ട്’: ആശാ സമരവേദിയിൽ രാഹുൽ മാങ്കൂട്ടത്തിൽ; സതീശനെത്തിയത് എംഎൽഎ മടങ്ങിയപ്പോൾ
ഇന്ത്യൻ ശിക്ഷ നിയമത്തിലെ 406, 419,420 എന്നീ വകുപ്പുകളായ വഞ്ചന, വിശ്വാസ ലംഘനം, തെറ്റായ തെളിവുകൾ ഉപയോഗിക്കൽ എന്നീ ജാമ്യമില്ലാ വകുപ്പുകൾ ചേർത്താണ് കേസിൽ കുറ്റപത്രം സമർപ്പിച്ചിരിക്കുന്നത്. 83 സാക്ഷികൾ, 128 തൊണ്ടിസാധനങ്ങൾ, 35 രേഖകൾ എന്നിവയുമുണ്ട് . പ്രോസിക്യൂഷനു വേണ്ടി സീനിയർ അസി. പബ്ലിക് പ്രോസിക്യൂട്ടർ കല്യംമ്പള്ളി മനു ഹാജരായി. ദിവ്യ ജോതി, കമല, പ്രേം കുമാർ, രാജേഷ് കുമാർ, അനിൽകുമാർ, ശ്യാംലാൽ, ശശി കുമാരൻ തമ്പി എന്നിവരാണ് കേസിലെ പ്രതികൾ.
 
- തിയറ്ററിനുള്ളിലേക്ക് പേടി പതിയെ നടന്നുവന്ന്, കൂർത്ത വിരലുകൾകൊണ്ട് നിങ്ങളെ തൊടുന്ന വിധം!
- ബച്ചനെ വിറപ്പിച്ച 10 വയസ്സുകാരൻ: കുട്ടികളിലെ ആ ‘സിൻഡ്രോം’ വളർത്തുദോഷം? പിന്നിൽ ആ ആറുപേർ; തുടങ്ങിയത് ചൈന; മാതാപിതാക്കൾ കരുതിയിരിക്കണം!
- കഷ്ടപ്പെട്ടുണ്ടാക്കിയ സ്വത്ത് കൈവിട്ടു പോകുമോ? ‘ഭാര്യയും മക്കളും ഭക്ഷണത്തിനുവരെ ബുദ്ധിമുട്ടുന്നു’; വില്‍പത്രം വൈകരുത്, കാരണം ഇതാണ്...
MORE PREMIUM STORIES
English Summary:
Titanium job scam: Titanium job scam case proceeds as Sasikumaran Thampi\“s petition gets rejected. |
