 
പാരിസ് ∙ ഫ്രഞ്ച് തലസ്ഥാനഗരിയുടെ വിഖ്യാത മുഖമുദ്രകളിലൊന്നായ ലൂവ്ര് മ്യൂസിയത്തിൽ പട്ടാപ്പകൽ പെരുംകൊള്ള. നെപ്പോളിയൻ ചക്രവർത്തിയുടേതും പത്നിയുടേതും ഉൾപ്പെടെ, ചരിത്രപ്രസിദ്ധവും അമൂല്യവുമായ ഫ്രഞ്ച് രാജകീയ രത്നങ്ങൾ സൂക്ഷിച്ചിട്ടുള്ള അപ്പോളോ ഗാലറിയിൽനിന്ന് ഇന്നലെ രാവിലെ 9.30ന് രത്നാഭരണങ്ങൾ കളവുപോയി. വെറും 4 മിനിറ്റിനുള്ളിലായിരുന്നു കവർച്ച.
- യുകെയിൽ സ്ത്രീക്കു നേരെ ലൈംഗിക അതിക്രമം: മലയാളി യുവാവ് അറസ്റ്റിൽ; പിടിയിലായത് തിരുവനന്തപുരം സ്വദേശി Europe News
- ഒറ്റ രാത്രികൊണ്ട് കോടീശ്വരൻ! നേടിയത് 225 കോടി; ചരിത്രം തിരുത്തിയത് സ്വദേശിയോ, വിദേശിയോ? യുഎഇ ലോട്ടറിയിലെ \“ഭാഗ്യ നമ്പർ\“ ഇതാണ് Gulf News
മ്യൂസിയത്തിന്റെ തെക്കുകിഴക്കൻ വശത്തുള്ള റോഡിൽ യന്ത്രഗോവണി ഘടിപ്പിച്ച ട്രക്ക് നിർത്തിയിട്ട് അതിലൂടെയാണ് മോഷ്ടാക്കൾ ബാൽക്കണിയിലേക്കു കടന്നത്. മ്യൂസിയത്തിന്റെ ഈ ഭാഗത്ത് അറ്റകുറ്റപ്പണി നടന്നുവരികയാണ്. ബാൽക്കണിയിലെ ജനാല തകർത്ത് അപ്പോളോ ഗാലറിയിലേക്കു നേരിട്ടു പ്രവേശിച്ച മോഷ്ടാക്കൾ ചില്ലുകൂടുകൾ തകർത്തു 9 രത്നങ്ങൾ കവർന്നു. അതിവേഗം തിരിച്ചിറങ്ങി മ്യൂസിയത്തിനു പുറത്തെത്തി സ്കൂട്ടറിൽ കടന്നുകളയുകയായിരുന്നു.
മോഷ്ടാക്കളുടെ കയ്യിൽനിന്നു വീണുപോയ ഒരു രത്നാഭരണം മ്യൂസിയത്തിനുപുറത്തുനിന്നു കണ്ടെടുത്തു. സംഘത്തിൽ 4 പേരുണ്ടായിരുന്നെന്നും മ്യൂസിയത്തിൽ കടന്ന 2 പേർ തൊഴിലാളികളുടെ വേഷത്തിലായിരുന്നുവെന്നും മാധ്യമങ്ങൾ റിപ്പോർട്ട് ചെയ്തു. 2 പേർ സ്കൂട്ടറിൽ താഴെ കാത്തുനിന്നു. അപ്പോളോ ഗാലറിയിൽ 23 രത്നാഭരണങ്ങളാണു പ്രദർശനത്തിനുള്ളത്. മോഷണത്തിനു പിന്നാലെ മ്യൂസിയം അടച്ചു.
“പ്രഫഷനൽ മോഷ്ടാക്കളാണു പിന്നിൽ. ഒട്ടും ബഹളമുണ്ടാക്കാതെ കവർച്ച നടത്തി കടന്നുകളഞ്ഞു. എല്ലാം കൂടി വെറും നാലു മിനിറ്റ്. “
റഷീദ ദത്തി, ഫ്രഞ്ച് സാംസ്കാരിക മന്ത്രി
35,000: പൗരാണിക കരകൗശല വിസ്മയങ്ങളും ശിൽപങ്ങളും മോണലിസ പോലെ ചിത്രകലയിലെ ഉജ്വല സൃഷ്ടികളും ഉൾപ്പെടെ 35,000 കലാവസ്തുക്കളാണ് ലൂവ്രിലുള്ളത്.
30,000: ലൂവ്രിൽ ഒരു ദിവസത്തെ സന്ദർശകരുടെ എണ്ണം
87 ലക്ഷം: കഴിഞ്ഞ വർഷം ലൂവ്ര് കാണാനെത്തിയവരുടെ എണ്ണം English Summary:
Louvre Museum Robbery occurred in the Apollo Gallery, where thieves stole French royal jewels, including those belonging to Napoleon. The robbery took only four minutes, highlighting a serious security breach. |
