തിരുവനന്തപുരം ∙ നിയമസഭാ തിരഞ്ഞെടുപ്പ് വിജയത്തിന് ബിജെപിയുടെ ‘മിഷൻ 2026’ പദ്ധതി പ്രധാനമന്ത്രി തിരുവനന്തപുരത്ത് പ്രഖ്യാപിക്കും. ജനുവരി 24നു മുൻപ് പ്രധാനമന്ത്രിയെത്തും. പരിപാടി തയാറാക്കാൻ ദേശീയ നേതൃത്വം സംസ്ഥാന ബിജെപി ഘടകത്തിനു നിർദേശം നൽകി.
- Also Read ഇത്തവണ കേട്ടേ പറ്റൂ; ‘ശ്രുതിതരംഗ’ത്തിന് ആദ്യമേ തുക വകയിരുത്തണമെന്ന് തദ്ദേശസ്ഥാപനങ്ങൾക്ക് കർശനനിർദേശം
34 മണ്ഡലങ്ങളിൽ ജനുവരി രണ്ടാം വാരം തന്നെ സ്ഥാനാർഥികളെ നിർണയിച്ച് പ്രവർത്തനം തുടങ്ങാനാണു തീരുമാനം. തിരുവനന്തപുരം കോർപറേഷൻ ഭരണം പിടിച്ചാൽ 45 ദിവസത്തിനകം നഗരവികസന രേഖ പ്രഖ്യാപിക്കാൻ പ്രധാനമന്ത്രിയെത്തുമെന്നു പ്രഖ്യാപിച്ചിരുന്നു. ആ പരിപാടിയിൽ നിയമസഭാ തിരഞ്ഞെടുപ്പു പ്രചാരണത്തിനു കൂടി തുടക്കമിടുകയാണ് ബിജെപി. തദ്ദേശ തിരഞ്ഞെടുപ്പ് പ്രചാരണത്തിന് മിഷൻ 2025 എന്ന പേരിൽ ‘വികസിത കേരളം’ പദ്ധതി തിരുവനന്തപുരത്ത് ആഭ്യന്തരമന്ത്രി അമിത് ഷായാണ് പ്രഖ്യാപിച്ചത്.
തദ്ദേശ തിരഞ്ഞെടുപ്പിൽ വോട്ട് ശതമാനത്തിൽ കാര്യമായ കുറവുണ്ടായെങ്കിലും 34 നിയമസഭാ മണ്ഡലങ്ങളിൽ ബിജെപി കരുത്ത് തെളിയിച്ചെന്നാണ് വിലയിരുത്തൽ. 9 മണ്ഡലങ്ങളിൽ 40,000 വോട്ടിനു മുകളിൽ പിടിച്ചു. നേമം, കാട്ടാക്കട, കഴക്കൂട്ടം, ചെങ്ങന്നൂർ, മലമ്പുഴ, എലത്തൂർ, കാസർകോട്, മഞ്ചേശ്വരം, അരൂർ മണ്ഡലങ്ങളിലാണ് ഇൗ മുന്നേറ്റം. ഇതിൽ തന്നെ 5 മണ്ഡലങ്ങളിൽ 45,000 വോട്ട് കടന്നു.
 
- താരസമ്പന്ന ചിത്രത്തിന് മുടക്കിയത് 6 കോടി, വിറ്റത് 25 ലക്ഷത്തിന്! എന്തുകൊണ്ട് ‘ബിഗ് എം’സ് ഇന്നും നിർണായകം? ആ സിനിമകൾ ശരിക്കും ഹിറ്റായിരുന്നോ?
- അപമാനിക്കപ്പെട്ട വിവാഹം; ഭാര്യയ്ക്കു നേരെ ചാണകമേറ്; കുഞ്ഞിനെ കൊന്ന് കിണറ്റിലെറിഞ്ഞ ആ അമ്മയെ മറന്നില്ല; ‘അംബേദ്കറുടെ മുൻഗാമി’യെ ഇന്നും ഭയക്കുന്നതാര്?
- Reflections 2025 പിഎം വക 65,700 കോടി, സോളർ എങ്ങനെ ലാഭകരമാക്കാം; ഡ്രൈവിങ്ങില് 5 സുരക്ഷാ മന്ത്രം; ടെക്കികൾക്ക് നിറയെ ജോലി
MORE PREMIUM STORIES
കോവളം, വട്ടിയൂർക്കാവ്, പാറശാല, ചിറയിൻകീഴ്, കൊട്ടാരക്കര, പുതുക്കാട്, ഇരിങ്ങാലക്കുട, കൊടുങ്ങല്ലൂർ, നാട്ടിക, ഒറ്റപ്പാലം, പാലക്കാട്, മാവേലിക്കര എന്നീ 12 മണ്ഡലങ്ങളിൽ 35,000ത്തിനും 40,000ത്തിനും ഇടയിൽ വോട്ടുനേടി. തിരുവനന്തപുരം, ആറ്റിങ്ങൽ, കുന്നത്തൂർ, ആറന്മുള, കരുനാഗപ്പള്ളി, കുണ്ടറ, ചേലക്കര, വടക്കാഞ്ചേരി, മണലൂർ, ഷൊർണൂർ, കുന്നമംഗലം, കോഴിക്കോട് നോർത്ത്, നെന്മാറ എന്നീ 13 മണ്ഡലങ്ങളിൽ 30,000ത്തിനും 35,000 ത്തിനും ഇടയിൽ വോട്ട് നേടി. നേമത്തും വട്ടിയൂർക്കാവിലും ബിജെപിയാണ് ഒന്നാമത്.
നിയമസഭാ തിരഞ്ഞെടുപ്പിൽ നേതാക്കൾക്കു മത്സരിക്കാനുള്ള സീറ്റുകൾ കൂടി ലക്ഷ്യമിട്ട് തദ്ദേശ തിരഞ്ഞെടുപ്പിൽ പ്രവർത്തനച്ചുമതല നൽകിയിരുന്നു. അതാണ് ഇൗ മണ്ഡലങ്ങളിൽ വോട്ട് വർധനയ്ക്കു കാരണമെന്നാണ് ബിജെപി നിഗമനം. ഇൗ നേതാക്കളോട് തുടർന്നും മണ്ഡലങ്ങളിൽ പ്രവർത്തനം തുടരാൻ നിർദേശിച്ചു. നേമത്ത് രാജീവ് ചന്ദ്രശേഖറും കഴക്കൂട്ടത്ത് വി.മുരളീധരനും മത്സരിക്കുമെന്ന് അവർ തന്നെ പറയുകയും ചെയ്തിരുന്നു. English Summary:
BJP\“s Mission 2026: PM Modi to Launch Kerala Assembly Election Campaign in Thiruvananthapuram |
