തിരുവനന്തപുരം ∙ ശബരിമല ശ്രീ കോവിലിലെ ദ്വാരപാലക ശിൽപങ്ങളിലെ സ്വർണം പൂശിയ പാളികൾ ഒക്ടോബർ 17ന് പുനസ്ഥാപിക്കും. പുനസ്ഥാപിക്കാനായുള്ള താന്ത്രിക അനുമതിയും ഹൈക്കോടതി അനുമതിയും ലഭിച്ചതോടെയാണ് പാളികൾ പുനസ്ഥാപിക്കാൻ തിരുവിതാംകൂർ ദേവസ്വം ബോർഡ് തീരുമാനിച്ചത്. Ganesh Kumar, Kerala Transport Minister, Motor Vehicle Department Kerala, Kanakakkunnu Palace, Vehicle Flag Off Ceremony Cancelled, Malayala Manorama Online News, Kerala News, VK Prasanth MLA, KSRTC, Government Event Cancelled Kerala, ഗണേഷ് കുമാർ, വാഹന ഫ്ലാഗ് ഓഫ്, transport minister kerala, kerala transport minister news, kerala mvd news 
തിരുവാഭരണം കമ്മിഷണറുടെ നേതൃത്വത്തിൽ നടപടി ക്രമങ്ങളെല്ലാം വിഡിയോയിൽ ചിത്രീകരിച്ചാണ് സ്വർണം പൂശിയ പാളികൾ ചെന്നൈയിലെ സ്ഥാപനത്തിലേക്ക് കേടുപാടുകൾ പരിഹരിക്കാനായി കൊണ്ടുപോയത്. അറ്റകുറ്റ പണികൾക്കു ശേഷം സന്നിധാനത്ത് എത്തിച്ച സ്വർണം പൂശിയ പാളികൾ ശബരിമല സന്നിധാനത്തെ സ്ട്രോങ്ങ് റൂമിൽ സൂക്ഷിച്ചിരിക്കുകയാണ്.
തുലാമാസ പൂജകൾക്കായി ഒക്ടോബർ 17ന് നട തുറന്ന ശേഷമാകും സ്വർണം പൂശിയ പാളികൾ ദ്വാരപാലക ശിൽപങ്ങളിൽ പുനസ്ഥാപിക്കുന്നത്. ശ്രീകോവിലിന്റെ വാതിലുകളുടെയും കമാനത്തിന്റെയും അറ്റകുറ്റപ്പണി നടത്തുന്നതിനുള്ള നടപടികൾക്കും ഹൈക്കോടതി അനുമതി നൽകിയിട്ടുണ്ട്. English Summary:
Sabarimala gold plating restoration scheduled for October seventeenth: The Travancore Devaswom Board received the necessary approvals to restore the gold-plated panels on the Dwarapalaka sculptures at the Sreekovil. |
