തിരുവനന്തപുരം∙ പ്രതിപക്ഷ നേതാവ് വി.ഡി.സതീശൻ ഫെബ്രുവരി ആറിന് കാസര്കോട്ട് നിന്നും ആരംഭിച്ച പുതുയുഗ യാത്രയുടെ സമാപന സമ്മേളനം നാളെ തിരുവനന്തപുരത്തു നടക്കും. വൈകിട്ട് അഞ്ചിന് പുത്തരിക്കണ്ടം മൈതാനത്തു നടക്കുന്ന പൊതുസമ്മേളനം ലോക്സഭാ പ്രതിപക്ഷ നേതാവ് രാഹുല് ഗാന്ധി ഉദ്ഘാടനം ചെയ്യും. നാല് മണിയോടെ സെക്രട്ടേറിയറ്റ് ആസാദ് ഗേറ്റിന് മുന്നില് വി.ഡി. സതീശനെ യുഡിഎഫ് തിരുവനന്തപുരം, നേമം, വട്ടിയൂര്ക്കാവ് നിയോജക മണ്ഡലം കമ്മിറ്റികളുടെ നേതൃത്വത്തില് സ്വീകരിക്കും. സ്വീകരണ റാലി പുത്തരിക്കണ്ടം മൈതാനത്ത് എത്തുന്നതോടെ സമാപന സമ്മേളനത്തിന് തുടക്കമാകും.
What you should read next
പുതുയുഗ യാത്രയുടെ ഭാഗമായി 25 ദിവസത്തിനിടെ 121 പൊതുസമ്മേളനങ്ങള് സംഘടിപ്പിച്ചു. ആരോഗ്യമേഖലയിലെ പ്രശ്നങ്ങള് കണ്ടെത്താനും പരിഹാരം നിർദേശിക്കാനും യുഡിഎഫ് സംഘടിപ്പിച്ച ഹെല്ത്ത് കോണ്ക്ലേവിന്റെ നയരേഖ കോഴിക്കോടും ഉന്നതവിദ്യാഭ്യാസ കോണ്ക്ലേവിന്റെ നയരേഖ തൃശൂരും പ്രകാശനം ചെയ്തു. ‘സംവദിക്കാം പുതുയുഗത്തിനായ്’ എന്ന സംവാദവും പതിനാല് ഇടങ്ങളില് സംഘടിപ്പിച്ചു. പൗരപ്രമുഖരെയല്ല, പ്രശ്നങ്ങള് കൊണ്ട് വലയുന്ന സാധാരണക്കാരെയാണ് സംവാദ പരിപാടിയിലേക്ക് യുഡിഎഫ് ക്ഷണിച്ചത്. എന്ഡോസള്ഫാന് ദുരിത ബാധിതര്, കര്ഷകര്, അങ്കണവാടി ടീച്ചര്മാര്, ആശ വര്ക്കര്മാര്, ലോട്ടറി തൊഴിലാളികള്, പ്രീ പ്രൈമറി ടീച്ചേഴ്സ്, കെഎസ്ആര്ടിസി പെന്ഷനേഴ്സ്, ഭിന്നശേഷി കുട്ടികളുടെ മാതാപിതാക്കള്, ഒന്നാം റാങ്ക് കിട്ടിയിട്ടും നിയമനം കിട്ടാത്ത ഉദ്യോഗാര്ഥികൾ തുടങ്ങി ജീവിതത്തിന്റെ സമസ്ത മേഖലകളിലുമുള്ളവര് സംവാദ പരിപാടികളില് പങ്കെടുത്തുവെന്നും കോണ്ഗ്രസ് അറിയിച്ചു.
സമാപന പൊതുസമ്മേളനത്തില് എഐസിസി ജനറല് സെക്രട്ടറിമാരായ കെ.സി. വേണുഗോപാല്, ദീപദാസ് മുന്ഷി, എഐസിസി പ്രവര്ത്തക സമിതി അംഗങ്ങളായ രമേശ് ചെന്നിത്തല, ശശി തരൂര്, കൊടിക്കുന്നില് സുരേഷ്, കെപിസിസി അധ്യക്ഷന് സണ്ണി ജോസഫ് എംഎല്എ, പ്രതിപക്ഷ ഉപനേതാവ് പി.കെ. കുഞ്ഞാലിക്കുട്ടി, യുഡിഎഫ് കണ്വീനര് അടൂര് പ്രകാശ് എംപി, എംപിമാര്, എംഎല്എമാര്, യുഡിഎഫ് നേതാക്കള് എന്നിവര് പങ്കെടുക്കും.
JUST IN
-
1 MINUTE AGO 25 ദിവസം, 121 പൊതുസമ്മേളനങ്ങള്; പുതുയുഗ യാത്രയുടെ സമാപന സമ്മേളനം നാളെ Latest News
-
16 MINUTES AGO അതിർത്തി കടന്നുവരുന്ന ഏത് ആക്രമണവും തകർക്കുന്നത് യുഎഇയിലെ ശക്തമായ പ്രതിരോധ സംവിധാനങ്ങൾ Malappuram
-
44 MINUTES AGO നെയ്യ് ചോറ്, ബിരിയാണി, പൊറോട്ട....; വന്ദേഭാരതിൽ ഇനി മൂന്നു തരത്തിലുള്ള മെനു Latest News
VIEW MORE
English Summary:
The concluding session of V.D. Satheesan\“s Puthuyuga yathra will be held in Thiruvananthapuram, inaugurated by Rahul Gandhi. This extensive journey, starting from Kasaragod, has covered numerous public meetings and dialogues with ordinary citizens facing various challenges across Kerala. |
