 
ന്യൂജഴ്സി∙ 13 വയസ്സിൽ താഴെ പ്രായമുള്ള കുട്ടിയെ ലൈംഗികമായി പീഡിപ്പിച്ച കേസിൽ ഇന്ത്യക്കാരൻ യുഎസിൽ അറസ്റ്റിൽ. യുഎസ് ഇമിഗ്രേഷൻ ആൻഡ് കസ്റ്റംസ് എൻഫോഴ്സ്മെന്റ് （ഐസിഇ） ആണ് ഇക്കാര്യം സമൂഹമാധ്യമത്തിലൂടെ അറിയിച്ചത്. വൊഡേല യശസ്വി കോട്ടപ്പല്ലി ആണ് അറസ്റ്റിലായിരിക്കുന്നത്. പ്രതിക്കെതിരെ പീഡനത്തിന് പുറമെ മോഷണം ഉൾപ്പെടെയുള്ള കുറ്റങ്ങളും ചുമത്തിയിട്ടുണ്ട്. ഇയാൾ രേഖകളില്ലാത്ത കുടിയേറ്റക്കാരനാണ്. നാടുകടത്തൽ നടപടികൾ ഉണ്ടാകുന്നതുവരെ പ്രതി കസ്റ്റഡിയിൽ തുടരുമെന്നാണ് ഐസിഇ അറിയിച്ചിരിക്കുന്നത്.
What you should read next
- ‘സംസാരം കുറഞ്ഞു, ബാത്ത് റോബ് ധരിച്ച് ക്ലാസ് മുറിയിൽ’; മരണത്തിന് മുൻപ് യുഎസിലെ ഇന്ത്യൻ വിദ്യാർഥിയുടെ പെരുമാറ്റത്തിൽ മാറ്റം US News
അറസ്റ്റിന്റെ തീയതി, കേസ് ഫയൽ ചെയ്ത കൗണ്ടി, അല്ലെങ്കിൽ ആരോപണവിധേയമായ കുറ്റകൃത്യങ്ങളെക്കുറിച്ചുള്ള കൂടുതൽ വിശദാംശങ്ങൾ തുടങ്ങിയവ ഏജൻസി വെളിപ്പെടുത്തിയിട്ടില്ല. ക്രിമിനൽ കുറ്റം ചുമത്തിയതിനാൽ വിചാരണയ്ക്ക് ശേഷമായിരിക്കും നാടുകടത്തലിന് സാധ്യതയെന്ന് റിപ്പോർട്ടുകൾ സൂചിപ്പിക്കുന്നു.
അമേരിക്കയിൽ നിന്ന് ഇന്ത്യൻ പൗരന്മാരെ നാടുകടത്തുന്നതിൽ ഗണ്യമായ വർധനവുണ്ടായിട്ടുണ്ട്. 2025ൽ 3,800-ൽ അധികം ഇന്ത്യക്കാരെ യുഎസിൽ നിന്ന് നാടുകടത്തിയതായി കേന്ദ്രം പാർലമെന്റിനെ അറിയിച്ചിരുന്നു. ക്രിമിനൽ കുറ്റങ്ങളുമായി ബന്ധപ്പെട്ട നാടുകടത്തലുകളെ കുടിയേറ്റ നിയമലംഘനങ്ങൾ മാത്രമുള്ളവയിൽ നിന്ന് വേർതിരിച്ച് പ്രത്യേകം കണക്കുകൾ സർക്കാർ പുറത്തുവിട്ടിട്ടില്ല.
യുഎസ് നിയമപ്രകാരം, ചില ക്രിമിനൽ കുറ്റങ്ങൾ നേരിടുന്ന പൗരന്മാരല്ലാത്തവരെ അവരുടെ കേസുകൾ കോടതിയിൽ നടക്കുമ്പോൾ ഇമിഗ്രേഷൻ കസ്റ്റഡിയിൽ പാർപ്പിക്കാം. ADVERTISEMENT Go AD-FREE
വാർത്തയുടെ കൂടെയുള്ള ചിത്രം മലയാള മനോരമയുടേതല്ല. ചിത്രംICEgov എന്നX അക്കൗണ്ടിൽ നിന്ന് ADVERTISEMENT Go AD-FREE English Summary:
U.S. Immigration and Customs Enforcement Arrests Indian National in Child Sexual Assault Case, Initiates Deportation Proceedings |
