∙ മൂന്ന്: ക്വട്ടേഷൻ തുക ലഭിക്കാൻ സുനിയും മറ്റു കേസുകളിൽ റിമാൻഡിലായിരുന്ന സഹതടവുകാരും ജയിലിനുള്ളിൽ നടത്തിയ ഗൂഢാലോചന.
∙ നാല്: കുറ്റകൃത്യത്തിനുശേഷം തെളിവുകൾ നശിപ്പിക്കാനും സാക്ഷികളെ സ്വാധീനിക്കാനുമായി ദിലീപ് നടത്തിയ ഗൂഢാലോചന.
ഇതിൽ രണ്ടാമത്തെ ഗൂഢാലോചന മാത്രമാണു തെളിവുകളുടെയും സാക്ഷിമൊഴികളുടെയും അടിസ്ഥാനത്തിൽ കോടതി അംഗീകരിച്ചത്. കുറ്റകൃത്യത്തിന്റെ തുടക്കത്തിൽ അതിജീവിത ദിലീപിനെതിരെ മൊഴി നൽകിയില്ലെങ്കിലും ഗൂഢാലോചന സംബന്ധിച്ച വിവരങ്ങൾ പൊലീസിന്റെ അന്വേഷണത്തിലെ കണ്ടെത്തലായാണു കുറ്റപത്രത്തിൽ ഉൾപ്പെടുത്തിയത്. പൊലീസ് കണ്ടെത്തിയ തെളിവുകൾ പ്രകാരമാണു ദിലീപിനെ പ്രതിയാക്കിയത്.
കുറ്റകൃത്യം നടത്തുന്നതിനിടെ ‘ഇതൊരു ക്വട്ടേഷനാണെന്നും ദൃശ്യങ്ങൾ പകർത്താൻ സഹകരിച്ചാൽ അതുകഴിഞ്ഞു പറയുന്ന സ്ഥലത്തു കൊണ്ടുവിടാ’മെന്നും സുനിൽ പറഞ്ഞതായി മൊഴിയുണ്ട്. ഇത് ആരുടെ ക്വട്ടേഷനാണെന്നു മനസ്സിലായില്ലേയെന്നു സുനി നടിയോടു ചോദിച്ചതായും കുറ്റപത്രത്തിലുണ്ട്. ദിലീപിനെ വിട്ടയച്ചതോടെ, ആരുടെ ക്വട്ടേഷൻ പ്രകാരമാണ് സുനിയും കൂട്ടുപ്രതികളും ഇത്തരമൊരു കുറ്റകൃത്യം ചെയ്തതെന്ന ചോദ്യം ബാക്കിനിൽക്കുന്നു. English Summary:
Dileep Acquitted of Conspiracy: Dileep case conspiracy centers around the question of who gave the quotation to Pulsar Suni and his accomplices after Dileep\“s acquittal on conspiracy charges. The investigation continues to seek answers regarding the true mastermind behind the crime.
