ഗാൽവെസ്റ്റൺ（ടെക്സസ്）∙ ഭാര്യയെ വെടിവെച്ച് കൊന്ന കേസിൽ 88 വയസ്സുകാരനായ വൃദ്ധൻ അറസ്റ്റിൽ. സ്വന്തമായി കാര്യങ്ങൾ ചെയ്യാൻ പോലും ബുദ്ധിമുട്ടുള്ള ഏണസ്റ്റ് ലിയാലിനെയാണ് കേസിൽ പൊലീസ് അറസ്റ്റ് ചെയ്തത്. ഭാര്യ അനിത ലിയാലിനെ （89） വെടിവെച്ച് കൊലപ്പെടുത്തിയതിനാണ് പ്രതിയുടെ അറസ്റ്റ് രേഖപ്പെടുത്തിയത്.
ഏഷ്യൻ തൊഴിലാളികളെ വിറ്റത് ആയിരക്കണക്കിന് ദിനാറിന്; കുവൈത്തിൽ മനുഷ്യക്കടത്ത്, നടപടി Gulf News
തെരുവിൽനിന്ന് ഭക്ഷണം കഴിച്ചു; വിനോദ സഞ്ചാരികളായ അമ്മയും രണ്ട് മക്കളും മരിച്ചു Europe News
തിങ്കളാഴ്ച പുലർച്ചെ 4.20ന് ഗാൽവെസ്റ്റണിലെ വീട്ടിൽ വച്ചാണ് പ്രതി കൃത്യം നടത്തിയത്. അനിത ലിയാലിന്റെ ഹൃദയ നിരീക്ഷണ സംവിധാനത്തിൽ നിന്ന് മുന്നറിയിപ്പ് ലഭിച്ച് വീട്ടിലെത്തിയ പാരാമെഡിക്കൽ ജീവനക്കാരോട്, താനാണ് ഭാര്യയെ വെടിവെച്ച് കൊന്നതെന്ന് ഏണസ്റ്റ് ലിയാൽ പറയുകയായിരുന്നു. തലയ്ക്ക് വെടിയേറ്റ നിലയിൽ കട്ടിലിൽ കിടക്കുന്ന അനിതയുടെ മൃതദേഹമാണ് പാരാമെഡിക്കൽ ജീവനക്കാർ കണ്ടെത്തിയത്. കൊലപാതകത്തിന് ഉപയോഗിച്ച തോക്ക് കിടപ്പുമുറിയിൽ തറയിൽ ഉണ്ടായിരുന്നു.
ശാരീരിക ബുദ്ധിമുട്ടുകൾ പരിഗണിച്ച് ഏണസ്റ്റിന്റെ ജാമ്യത്തുകയിലും കോടതി ഇളവ് നൽകി. പ്രായവും ആരോഗ്യപ്രശ്നങ്ങളും കാരണം ഏണസ്റ്റിന് മറ്റൊരാളുടെ സഹായമില്ലാതെ സ്വന്തം കാര്യങ്ങൾ ചെയ്യാൻ കഴിയില്ലെന്ന് അധികൃതർ സ്ഥിരീകരിച്ചിട്ടുണ്ട്. ഈ കൊലപാതകത്തിന്റെ കാരണം പൊലീസ് ഇതുവരെ വെളിപ്പെടുത്തിയിട്ടില്ല.
（Disclaimer : വാർത്തയുടെ കൂടെയുള്ള ചിത്രം മലയാള മനോരമയുടേതല്ല. ചിത്രം Galveston County Jail എന്ന വെബ്സൈറ്റില് നിന്ന്） English Summary:
Ernest Leal, an 88-year-old man, had his bail reduced after being arrested for allegedly shooting his 89-year-old wife, Anita Leal, in Galveston, Texas. Due to age and health issues, authorities confirmed he requires assistance. The motive for the murder is currently unknown.
