കണ്ണൂർ ∙ രാഹുൽ മാങ്കൂട്ടത്തിലിന്റെ അറസ്റ്റ് തടയൽ താൽക്കാലികമാണെന്ന് സിപിഎം സംസ്ഥാന സെക്രട്ടറി എം.വി. ഗോവിന്ദൻ. എൽഡിഎഫ് കണ്ണൂർ ജില്ലാ പഞ്ചായത്ത് തിരഞ്ഞെടുപ്പ് പത്രികയുടെ പ്രകാശനം നിർവഹിച്ചശേഷം മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം. തുടർച്ചയായി കേസുകൾ വന്നുകൊണ്ടിരിക്കുമ്പോൾ ഒളിവിലും തെളിവിലുമായി ജീവിതം മുന്നോട്ടു നയിക്കുന്ന അപൂർവം ആളായി രാഹുൽ മാങ്കൂട്ടത്തിൽ മാറും. രാഹുലിനെതിരെ രംഗത്തുവന്ന സ്ത്രീയെ കൊന്നുകളയുമെന്നു ഭീഷണിപ്പെടുത്തിയെന്നും ഗോവിന്ദൻ പറഞ്ഞു.
Also Read ‘അവർക്ക് ചില പ്രധാന കാര്യങ്ങൾ പറയാനുണ്ട്; അത് കേട്ടിട്ടു പോരെ എന്നു കോടതി ചോദിച്ചു’: രാഹുലിന്റെ അഭിഭാഷകൻ
‘‘കോൺഗ്രസിന്റെ തണലിലാണ് രാഹുൽ മാങ്കൂട്ടത്തിൽ ഒളിവ് ജീവിതം നയിക്കുന്നത്. കേരളത്തിന്റെ ഭാവി മുഖ്യമന്ത്രിയാണ് രാഹുൽ എന്ന് പറഞ്ഞവരുടെ മാനസിക നില പരിശോധിക്കണം. രാഹുൽ മാങ്കൂട്ടത്തിൽ വിഷയം ഇല്ലെങ്കിലും യുഡിഎഫിന് തിരിച്ചടി ഉറപ്പാണ്. യുഡിഎഫ് പ്രതിസന്ധിയിലാണ്. കോൺഗ്രസിൽ രണ്ട് വിഭാഗമുണ്ട്. രാഹുലിന്റെ ഒപ്പം നൽക്കുന്ന ക്രിമിനൽ സംഘവും ഇതൊന്നുമല്ലാത്ത ശുദ്ധ രാഷ്ട്രീയം കൈകാര്യം ചെയ്യുന്നവരും’’ – ഗോവിന്ദൻ പറഞ്ഞു.
Also Read ഒരു മിനിറ്റുപോലും കളയാതെ പറന്നിട്ടും ഇൻഡിഗോ അടിപതറി? ഫ്ലൈറ്റ് റദ്ദാക്കലല്ല പരിഹാരം; പൈലറ്റുമാർ മാറിനിൽക്കുന്നത് യാത്രക്കാർക്കുകൂടി വേണ്ടി!
ദേശീയ പാത എങ്ങനെയെങ്കിലും തകർന്നുകിട്ടട്ടെ എന്ന മാനസിക നിലയുള്ളവരോട് എന്ത് പറയാനാണെന്നു എം.വി.ഗോവിന്ദൻ ചോദിച്ചു. കൊല്ലത്ത് ദേശീയ പാത തകർന്നതുമായി ബന്ധപ്പെട്ട ചോദ്യത്തിനു മറുപടിയായിട്ടായിരുന്നു പ്രതികരണം. ദേശീയ പാത തകർന്നാൽ അത് പരിഹരിക്കുന്നതിന് മുൻകൈ എടുക്കുകയല്ലേ വേണ്ടത്? ദേശീയ പാത അതോറിറ്റിയാണ് നിർമാണം നടത്തുന്നത്. അവർക്കാണ് ഉത്തരവാദിത്തം. സംസ്ഥാന സർക്കാരിന് പങ്കില്ല. സ്ഥലം ഏറ്റെടുക്കുന്നതിന് കിഫ്ബി വഴി പണം നൽകുക മാത്രമാണ് സംസ്ഥാന സർക്കാർ ചെയ്തത്. 9 വർഷം എൽഡിഎഫ് ഭരിച്ചിട്ടും ഭരണവിരുദ്ധ വികാരമില്ലെന്നും പ്രതിപക്ഷം പ്രതിക്കൂട്ടിലായ തിരഞ്ഞെടുപ്പാണിതെന്നും ഗോവിന്ദൻ പറഞ്ഞു.
കേന്ദ്രമോ പുതിയ ചട്ടമോ വിമാന യാത്രക്കാരെ ചതിച്ചത്? ഇന്ത്യയിൽ പൈലറ്റുമാരെ കിട്ടാനില്ല; ‘വ്യോമയാന വിദഗ്ധർക്കു പകരം ഐഎഎസുകാർ!’
വായ്പ നേരത്തേ അടച്ചു തീർക്കാം, പലിശയിൽ ലക്ഷങ്ങൾ ലാഭിക്കാം; റീപോ നിരക്ക് കുറച്ചതിന്റെ നേട്ടം എങ്ങനെ സ്വന്തമാക്കാം? എഫ്ഡി ഇട്ടവരും ശ്രദ്ധിക്കണം
എന്തുകൊണ്ട് ആ ബന്ധം ‘തുല്യ’മല്ല? ‘എംഎൽഎയ്ക്കുണ്ട് പ്രിവിലേജ്, രാഹുൽ ഇങ്ങനെ ഓടുകയാണോ വേണ്ടത്?’
MORE PREMIUM STORIES
English Summary:
MV Govindan on Rahul Mamkootathil Arrest: CPM State Secretary MV Govindan commented on the temporary nature of the arrest and criticized Congress support. The discussion also included concerns about national highway conditions and UDF internal conflicts.
