തിരുവനന്തപുരം ∙ രാഹുല് മാങ്കൂട്ടത്തില് എംഎല്എയ്ക്കെതിരെ യുവതി നൽകിയ പീഡന പരാതിയുടെ കൂടുതൽ വിവരങ്ങൾ പുറത്ത്. മനഃപൂര്വം ചതിക്കാനുള്ള തന്ത്രമായിരുന്നു രാഹുലിന്റേത് എന്നാണ് യുവതി പരാതിയിൽ പറയുന്നത്. ബലാത്സംഗത്തിനു ശേഷം ഒരു മനഃസാക്ഷിയും ഇല്ലാതെ പെട്ടെന്ന് ഒരുങ്ങി അവിടെ നിന്നു പോകാനാണ് രാഹുല് ആവശ്യപ്പെട്ടത്. പെണ്കുട്ടികളെ ചതിക്കാന് സ്വന്തം രാഷ്ട്രീയ അധികാരം ദുരുപയോഗപ്പെടുത്തുന്ന രാഹുല് മാങ്കൂട്ടത്തില് ഒരു ലൈംഗിക വേട്ടക്കാരനാണെന്നും യുവതി പരാതിയിൽ പറയുന്നു.
- Also Read രാഹുൽ കർണാടകയിൽ ?, വനമേഖലയിലെ റിസോർട്ടിലെന്ന് സൂചന; കാറുകൾ മാറി മാറി ഉപയോഗിക്കുന്നു, പരക്കെ തിരഞ്ഞ് പൊലീസ്
രാഹുലിന്റെ വിവാഹ ആലോചന കുടുംബത്തെ അറിയിച്ചപ്പോള് ആദ്യം സമ്മതിച്ചില്ല. എന്നാല് യൂത്ത് കോണ്ഗ്രസ് അധ്യക്ഷന് ആയപ്പോള് കുടുംബം വിവാഹത്തിനു സമ്മതം മൂളി. ഇക്കാര്യം അറിയിച്ചപ്പോള് ബന്ധുക്കള്ക്കൊപ്പം വീട്ടില് വരാമെന്ന് രാഹുല് സമ്മതിച്ചു. അവധിക്കു നാട്ടിലേക്കു വന്നപ്പോള് ഭാവി കാര്യങ്ങള് ചര്ച്ച ചെയ്യാന് സ്വകാര്യമായി കാണണമെന്നു പറഞ്ഞു. തുടര്ന്ന് ഫെനി നൈനാന് എന്ന സുഹൃത്ത് ഡ്രൈവ് ചെയ്ത കാറിലാണ് രാഹുല് വന്നതെന്നും പീഡനം നടന്നതെന്നും ആണ് യുവതി പരാതിയിൽ പറയുന്നത്.
യുവതി നൽകിയ പീഡന പരാതിയുടെ പൂർണരൂപം
‘‘വര്ഷങ്ങളായി രാഹുലിനെ അറിയാം. 2023 സെപ്റ്റംബറില് രാഹുല് ഇന്സ്റ്റഗ്രാമിലൂടെ പരിചയം പുതുക്കി. വളരെ ബഹുമാനത്തോടെയാണ് ആദ്യം സന്ദേശം അയച്ചത്. കുറച്ചു ദിവസത്തിനു ശേഷം രാഹുല് ആവശ്യപ്പെട്ട പ്രകാരം ടെലഗ്രാം നമ്പര് നല്കി. തുടര്ന്ന് എന്നെ ഇഷ്ടമാണെന്നും വിവാഹം കഴിക്കാന് ആഗ്രഹിക്കുന്നുവെന്നും രാഹുല് അറിയിച്ചു. എന്റെ തൊഴില് സ്വപ്നങ്ങള്ക്കു രാഹുലിന്റെ രാഷ്ട്രീയ ജീവിതം തടസമാകില്ലെന്നും പറഞ്ഞു. ഇക്കാര്യം കുടുംബത്തെ അറിയിച്ചപ്പോള് ആദ്യം സമ്മതിച്ചില്ല. എന്നാല് യൂത്ത് കോണ്ഗ്രസ് അധ്യക്ഷന് ആയപ്പോള് കുടുംബം വിവാഹത്തിനു സമ്മതം മൂളി. ഇക്കാര്യം അറിയിച്ചപ്പോള് ബന്ധുക്കള്ക്കൊപ്പം വീട്ടില് വരാമെന്ന് രാഹുല് സമ്മതിച്ചു. അവധിക്കു നാട്ടിലേക്കു വന്നപ്പോള് ഭാവി കാര്യങ്ങള് ചര്ച്ച ചെയ്യാന് സ്വകാര്യമായി കാണണമെന്നു പറഞ്ഞു. തുടര്ന്ന് ഫെനി നൈനാന് എന്ന സുഹൃത്ത് ഓടിച്ച കാറിലാണ് രാഹുല് വന്നത്.
 
- അതിർത്തിക്കടുത്ത് ഭയാനകമായ ചിലത് സംഭവിച്ചു: അയലത്തെ ജെൻസീകൾ വീണ്ടും ‘കലിപ്പിൽ’; മാർച്ച് 5ന് നേപ്പാളിൽ എന്തു സംഭവിക്കും?
- ജയയെ അപമാനിച്ച കരുണാനിധിക്ക് ‘ഇടി’: പ്രസംഗ സമയം വരെ നിയന്ത്രിച്ച ‘അമ്മ’യുടെ വിശ്വസ്തൻ; വിജയ് ഒരു പടികൂടി മുന്നിൽ
- വെനസ്വേലയെ വളഞ്ഞ് അമേരിക്കൻ പട: എന്താണ് യുഎസ് തേടുന്ന കാർട്ടൽ ഡി ലോസ് സോൾസ്? ട്രംപും തുടങ്ങുകയാണോ യുദ്ധം?
MORE PREMIUM STORIES
നഗരത്തില്നിന്ന് കിലോമീറ്ററുകള് അകലെയുള്ള സ്ഥലത്തേക്കാണു കൊണ്ടുപോയത്. ഹോം സ്റ്റേ പോലുള്ള ഒരു കെട്ടിടം സുഹൃത്തിന്റേതാണെന്നാണ് രാഹുല് പറഞ്ഞത്. രാഹുലിനെ വിശ്വസിച്ചാണ് റൂമിലേക്കു പോയത്. എന്നാല് മുറിയില് കടന്നപ്പോള് ഒന്നും സംസാരിക്കാതെ ബലംപ്രയോഗിച്ച് ശാരീരികബന്ധത്തിനു ശ്രമിച്ചു. ചെറുത്തെങ്കിലും വിവാഹം കഴിക്കാന് പോകുന്നവരാണെന്നും അതില് അസ്വാഭാവികത ഒന്നും ഇല്ലെന്നും രാഹുല് പറഞ്ഞു. തുടര്ന്ന് എതിര്പ്പ് അവഗണിച്ച് ക്രൂരമായി ലൈംഗികമായി പീഡിപ്പിക്കുകയായിരുന്നു. ഇതോടെ എനിക്കു ശ്വാസതടസം ഉണ്ടാകുകയും മരുന്നു കഴിക്കേണ്ടിവരികയും ചെയ്തു. രാഹുല് പീഡനം തുടരുകയായിരുന്നു. ക്രൂരമായ ആക്രമണത്തില് ശരീരത്തു മുറിവുകള് ഉണ്ടായി. ഇതിനു ശേഷം വിവാഹത്തെക്കുറിച്ചു സംസാരിച്ചപ്പോള് ആരെയും വിവാഹം കഴിക്കാന് തനിക്ക് ഉദ്ദേശ്യമില്ലെന്നും രാഷ്ട്രീയ ഭാവിക്ക് അതു ദോഷം ചെയ്യുമെന്നുമായിരുന്നു രാഹുലിന്റെ മറുപടി.
ഇതോടെ ഞാന് ആകെ തകര്ന്നുപോയി. മനഃപൂര്വം ചതിക്കാനുള്ള തന്ത്രമായിരുന്നു രാഹുലിന്റേത്. ഒരു മനഃസാക്ഷിയും ഇല്ലാതെ പെട്ടെന്ന് ഒരുങ്ങി അവിടെ നിന്നു പോകാനാണ് രാഹുല് ആവശ്യപ്പെട്ടത്. സുഹൃത്താണ് വീടിനടുത്തുവരെ കാറില് എത്തിച്ചത്. വീട്ടുകാരോട് വിവരം പറയാന് കഴിയാത്ത വിധം ഞാന് തകര്ന്നുപോയിരുന്നു. വല്ലാത്ത മാനസികസമ്മര്ദമാണ് ആ ദിവസങ്ങളില് അനുഭവിച്ചത്. ഒരു മാസത്തോളം അകന്നു കഴിഞ്ഞ രാഹുല് പിന്നീട് ഒന്നും സംഭവിക്കാത്തതുപോലെ വീണ്ടും കാണാന് ആവശ്യപ്പെട്ടു. പെണ്കുട്ടികളെ ചതിക്കാന് സ്വന്തം രാഷ്ട്രീയ അധികാരം ദുരുപയോഗപ്പെടുത്തുന്ന രാഹുല് മാങ്കൂട്ടത്തില് ഒരു ലൈംഗിക വേട്ടക്കാരനാണ്. ഇത്തരം നീചമായ നീക്കങ്ങളില്നിന്ന് അയാളെ തടയാന് കോണ്ഗ്രസ് നേതൃത്വം തയാറാകണമെന്നും പദവികളില്നിന്ന് ഒഴിവാക്കണമെന്നും ആവശ്യപ്പെടുന്നു’’ – യുവതി പരാതിയില് പറയുന്നു. ക്രൈംബ്രാഞ്ച് ഇതു സംബന്ധിച്ച വിവരങ്ങള് ശേഖരിച്ചിട്ടുണ്ടെന്നും യുവതി വ്യക്തമാക്കിയിട്ടുണ്ട്.
Disclaimer : വാർത്തയുടെ കൂടെയുള്ള ചിത്രം മലയാള മനോരമയുടേതല്ല. ചിത്രം @Rahul Mamkootathil എന്ന എക്സ് അക്കൗണ്ടിൽ നിന്ന് എടുത്തതാണ്. English Summary:
Rahul Mamkootathil is facing serious allegations of sexual assault: A young woman has filed a complaint detailing a disturbing incident and betrayal. The case is currently under investigation by the Crime Branch. |
