ന്യൂഡൽഹി∙ ചെങ്കോട്ട സ്ഫോടനത്തില് ഉമർ നബിയുടെ സഹായിയായ അമീർ റഷീദ് അലിയെ അറസ്റ്റ് ചെയ്ത് എൻഐഎ. ഇയാളുടെ പേരിലാണ് സ്ഫോടനത്തിന് ഉപയോഗിച്ച കാര് വാങ്ങിയത്. സ്ഫോടനത്തിനു വേണ്ടി കാർ വാങ്ങാനാണ് അമീർ റഷീദ് അലി ഡൽഹിയിൽ എത്തിയതെന്നും ഗൂഢാലോചനയുമായി ബന്ധപ്പെട്ടു കൂടുതൽ പേരിലേക്ക് അന്വേഷണം നീളുകയാണെന്നും എൻഐഎ പറഞ്ഞു. കേസില് ഇതാദ്യമായാണ് അന്വേഷണ ഏജൻസിയുടെ പ്രതികരണം. കേസുമായി ബന്ധപ്പെട്ട് ഇതുവരെ 73 പേരുടെ മൊഴി രേഖപ്പെടുത്തിയിട്ടുണ്ടെന്നും എൻഐഎ അറിയിച്ചു.
- Also Read ‘മരത്തിൽ കുടുങ്ങിക്കിടന്ന തുണിക്കഷണം, കറുത്ത ഷൂസ്’; ഉമറിനെ തിരിച്ചറിഞ്ഞതിങ്ങനെ: ബോംബ് നിർമാണത്തിൽ വിദഗ്ധൻ
‘‘ജമ്മു കശ്മീരിലെ പാംപോറിലെ സാംബൂറയിൽ താമസിക്കുന്ന അമീർ റഷീദ് അലി, ചാവേർ ബോംബറായ ഉമർ ഉൻ നബിയുമായി ഭീകരാക്രമണം നടത്താൻ ഗൂഢാലോചന നടത്തിയതായി അന്വേഷണത്തിൽ കണ്ടെത്തിയിട്ടുണ്ട്. സ്ഫോടനത്തിന് ഉപയോഗിച്ചത് വാഹനത്തിൽ ഘടിപ്പിച്ചിരിക്കുന്ന ഒരു ഇംപ്രൊവൈസ്ഡ് എക്സ്പ്ലോസീവ് ഡിവൈസായിരുന്നു. കാറിന്റെ ഡ്രൈവർ ഫരീദാബാദിലെ അൽ ഫലാഹ് സർവകലാശാലയിലെ ജനറൽ മെഡിസിൻ വിഭാഗത്തിലെ അസിസ്റ്റന്റ് പ്രഫസറായ ഉമർ നബിയാണെന്ന് ഫൊറൻസിക് പരിശോധനയിൽ സ്ഥിരീകരിച്ചിട്ടുണ്ട്.
- Also Read ‘മദർ ഓഫ് സാത്താൻ’: ചൂടേറ്റാൽ പൊട്ടിത്തെറിക്കും, ഉഗ്രശേഷിയുള്ള സ്ഫോടകവസ്തു; ഡൽഹിയിൽ ഉപയോഗിച്ചത് ടിഎടിപി?
തെളിവുകൾക്കായി വാഹനം പരിശോധിച്ചുവരികയാണ്. ഡൽഹി പൊലീസ്, ജമ്മു കശ്മീർ പൊലീസ്, ഹരിയാന പൊലീസ്, യുപി പൊലീസ്, വിവിധ ഏജൻസികൾ എന്നിവരുമായുള്ള ഏകോപനത്തോടെയാണ് എൻഐഎ കേസ് അന്വേഷിക്കുന്നത്. സംസ്ഥാനങ്ങളിലുടനീളം അന്വേഷണം തുടരുകയാണ്. ഗൂഢാലോചന പുറത്തുകൊണ്ടുവരുന്നതിനും കേസിൽ ഉൾപ്പെട്ട മറ്റുള്ളവരെ തിരിച്ചറിയുന്നതിനുമായി തെളിവുകൾ ശേഖരിക്കുകയാണ്’’ – എൻഐഎ വക്താവ് പറഞ്ഞു.
 
- ‘പെണ്ണായ ഞാൻ’ എഴുതിയ അമയ; തിരുവനന്തപുരത്ത് കോൺഗ്രസിന്റെ \“റാംപ് വാക്ക്\“; പുതിയ ഡിവിഷനിൽ ട്രാൻസ്ജെൻഡർ സ്ഥാനാർഥി
- അപകടം 2020ൽ ബിജെപി തിരിച്ചറിഞ്ഞു: ‘രോഗി’യാക്കി ഒതുക്കാതെ നിതീഷിനെ മുന്നിൽ നിർത്തി മോദി; കോൺഗ്രസ് ബാധ്യതയായി, ഇനി പ്രതീക്ഷ കേരളം
- മിഥ്യാഭയങ്ങൾ വേണ്ടാ- ‘ഉൾക്കാഴ്ച’യിൽ ബി.എസ്. വാരിയർ എഴുതുന്നു
MORE PREMIUM STORIES
English Summary:
Delhi Bomb Blast: . Amir Rashid Ali has been arrested by NIA for his involvement in the Red Fort blast case. Investigation is ongoing to uncover the conspiracy and identify others involved. |
