പത്തനംതിട്ട, കോട്ടയം, മലപ്പുറം ജില്ലകളിൽ അൾട്രാവയലറ്റ് സൂചിക അപകടകരമായ നിലയിൽ: ജാഗ്രത

  



തിരുവനന്തപുരം ∙ കേരളത്തിലെ വിവിധ ജില്ലകളിൽ ഉയർന്ന അൾട്രാവയലറ്റ് വികിരണം രേഖപ്പെടുത്തിയ സാഹചര്യത്തിൽ ദുരന്തനിവാരണ അതോറിറ്റി ജാഗ്രതാ നിർദേശം നൽകി. പത്തനംതിട്ട, കോട്ടയം, മലപ്പുറം ജില്ലകളിൽ അൾട്രാവയലറ്റ് സൂചിക അപകടകരമായ നിലയിലേക്ക് ഉയർന്നിട്ടുണ്ട്. ഏറ്റവും ഉയർന്ന വികിരണം: കോന്നി（പത്തനംതിട്ട）, ചങ്ങനാശേരി（കോട്ടയം）, പൊന്നാനി（മലപ്പുറം） എന്നിവിടങ്ങളിലാണ്. ഇവിടെ യുവി ഇൻഡക്സ് 7 രേഖപ്പെടുത്തി.
  

കൊട്ടാരക്കര（കൊല്ലം）, കളമശേരി（എറണാകുളം）, തൃത്താല（പാലക്കാട്）, ബേപ്പൂർ（കോഴിക്കോട്）, മാനന്തവാടി（വയനാട്） എന്നീ സ്ഥലങ്ങളിൽ സൂചിക 6 ആയതിനാൽ ‘മഞ്ഞ അലർട്ട്’ പ്രഖ്യാപിച്ചു. തിരുവനന്തപുരം（വിളപ്പിൽശാല）, ആലപ്പുഴ（ചെങ്ങന്നൂർ）, ഇടുക്കി（മൂന്നാർ）, തൃശൂർ （ഒല്ലൂർ）, കണ്ണൂർ（ധർമ്മടം）, കാസർകോട്（ഉദുമ） എന്നിവിടങ്ങളിൽ സൂചിക 4 മുതൽ 5 വരെയാണ്. ഈ പ്രദേശങ്ങളിൽ താമസിക്കുന്നവർ ആവശ്യമായ മുൻകരുതലുകൾ സ്വീകരിക്കണം. തുടർച്ചയായി സൂര്യപ്രകാശം ഏൽക്കുന്നത് ഒഴിവാക്കണം. ഇതു സൂര്യാതപം, ചർമരോഗങ്ങൾ എന്നിവയ്ക്കു കാരണമായേക്കാം.
  English Summary:
High UV radiation levels have been recorded in various districts of Kerala, prompting the Disaster Management Authority to issue a warning. Citizens are advised to take necessary precautions and avoid prolonged sun exposure to prevent health issues like sunstroke and skin diseases.