മഞ്ചേരി∙ മങ്കട കൂട്ടിൽ സദാചാര കൊലക്കേസില് 5 പ്രതികൾക്ക് വിവിധ വകുപ്പുകളിലായി ജീവപര്യന്തം തടവും 85,000 രൂപ വീതം പിഴയും ശിക്ഷ. കൂട്ടിൽ കുന്നശേരി നസീർ ഹുസൈനെ അനാശാസ്യം ആരോപിച്ച് സംഘം ചേർന്നു മർദിച്ചു കൊലപ്പെടുത്തിയെന്നാണ് പ്രോസിക്യൂഷൻ കേസ്. ഒന്നുമുതൽ അഞ്ച് വരെ പ്രതികളായ മങ്കട കൂട്ടില് സ്വദേശികളായ നായകത്ത് അബ്ദുല് നാസര് （40）, സഹോദരന് ഷറഫുദ്ദീന് （33）, സുഹൈല് （34）, അബ്ദുല് ഗഫൂര് （52）, സക്കീര് ഹുസൈന് （43） എന്നിവർക്കാണ് മഞ്ചേരി ഒന്നാം അഡീഷനല് സെഷൻസ് കോടതി ജഡ്ജി എം.തുഷാർ ശിക്ഷ വിധിച്ചത്.
What you should read next
- പെൺകുട്ടിയുമായി വിഡിയോ കോളിൽ ഉച്ചത്തിൽ സംസാരിച്ചു, തർക്കം; യുവാവിനെ കൊലപ്പെടുത്തി സുഹൃത്ത് Latest News
മൂന്നും അഞ്ചും പ്രതികളായ സുഹൈൽ, സക്കീർ ഹുസൈൻ എന്നിവർക്കെതിരെ തെളിവ് നശിപ്പിക്കൽ വകുപ്പും തെളിഞ്ഞു. ഇവർ 2 വർഷം കഠിന തടവും 10,000 രൂപ പിഴയും അടയ്ക്കണം. പ്രതികൾ നടത്തിയത് ഭീകരവാദത്തിന് സമാനമായ പ്രവർത്തനമാണെന്നും ഇത്തരം സംഭവങ്ങൾ അനുവദിക്കാൻ പാടില്ലെന്നും കോടതി നിരീക്ഷിച്ചു. 2016 ജൂൺ 28ന് പുലർച്ചെ 3 ന് കൂട്ടിലിലെ ഒരു വീട്ടിൽവച്ചായിരുന്നു കേസിന് ആസ്പദമായ സംഭവം.
കൊലപാതകം, ന്യായ വിരുദ്ധമായി സംഘം ചേരൽ, മാരകായുധങ്ങളുപയോഗിച്ച് ആക്രമിക്കൽ, വീട്ടിലേക്ക് അതിക്രമിച്ചു കയറൽ തുടങ്ങിയവയാണ് പ്രതികൾക്കെതിരെ തെളിഞ്ഞത്. 70 സാക്ഷികളുള്ള കേസിൽ സ്പെഷൽ പബ്ലിക് പ്രോസിക്യൂട്ടർ പി.ജി. മാത്യു 39 പേരെ വിസ്തരിച്ചു. മർദനത്തിന്റെ വിഡിയോ ദൃശ്യങ്ങളും ഫൊറൻസിക് പരിശോധനാ റിപ്പോർട്ടും കേസിൽ നിർണായകമായി. പെരിന്തൽമണ്ണ സിഐമാരായിരുന്ന സിദ്ദീഖ്, സാജു കെ.എബ്രഹാം എന്നിവരാണ് കേസ് അന്വേഷിച്ചത്.
JUST IN
-
1 MINUTE AGO ‘ഭീകരവാദത്തിനു തുല്യം’; വിഡിയോ നിർണായകമായി, കൂട്ടിൽ കൊലക്കേസില് 5 പ്രതികൾക്ക് ജീവപര്യന്തം Latest News
-
19 MINUTES AGO ജയിലിലെ നല്ല ഭക്ഷണം കഴിക്കാൻ കലക്ടറേറ്റിന് ബോംബ് ഭീഷണി; പൊലീസിനെ പ്രതീക്ഷിച്ച് പ്രതി വീടിനു മുന്നിൽ Kollam
-
27 MINUTES AGO ക്രിസ്മസ് ബംപർ നഷ്ടമായെന്ന് റിട്ട. എഎസ്ഐ; ടിക്കറ്റ് സമർപ്പിച്ച് മറ്റൊരാൾ, ‘കോടതി കയറി’ 20 കോടി Latest News
VIEW MORE
English Summary:
Koottil Murder Case: Five convicts have been sentenced to life imprisonment in the 2016 Mankada Koottil moral policing murder case. The Manjeri court found the mob guilty of lynching Naseer Hussain, with crucial video footage leading to the conviction. |
