ക്രിസ്മസ് അവധിക്ക് നാട്ടിലെത്താൻ കൊള്ളനിരക്ക്; ഇൻഡിഗോ വിമാനങ്ങൾ റദ്ദാക്കിയതോടെ നിരക്ക് കുത്തനെ കൂട്ടി സ്വകാര്യ ബസുകൾ

  



ബെംഗളൂരു ∙ ബെംഗളൂരു വിമാനത്താവളത്തിൽ നിന്നുള്ള ഇൻഡിഗോ വിമാനങ്ങൾ റദ്ദാക്കൽ പതിവായതും ക്രിസ്മസ് – പുതുവത്സര അവധിയും കണക്കിലെടുത്തു കേരളമുൾപ്പെടെ ഇതരസംസ്ഥാനങ്ങളിലേക്കുള്ള ടിക്കറ്റ് നിരക്ക് ഉയർത്തി സ്വകാര്യ ബസുകൾ. മിക്ക ട്രെയിനുകളും വെയ്റ്റിങ് ലിസ്റ്റിലായതിനാലും വിമാനങ്ങൾ റദ്ദാക്കുന്നതിനാലും അവധിക്കു നാട്ടിൽ പോകാൻ ഒട്ടേറെ മലയാളികൾ സ്വകാര്യ ബസുകളെയാണ് ആശ്രയിക്കുന്നത്. കേരള, കർണാടക ആർടിസി ബസുകളിലും ടിക്കറ്റ് കിട്ടാത്ത അവസ്ഥ ഉടലെടുത്തതോടെ അവസരം മുതലെടുത്താണു ബസുകൾ നിരക്കു വർധിപ്പിക്കുന്നത്. അവധിയോടനുബന്ധിച്ചു ബെംഗളൂരുവിൽ നിന്നു ഗോവ, ഹൈദരാബാദ്, മുംബൈ എന്നിവിടങ്ങളിലേക്കുള്ള സ്വകാര്യ ബസുകളും നിരക്ക് ഉയർത്തി.

• Also Read ഒഡീഷയിൽ എംഎൽഎമാരുടെ ശമ്പളം 3.45 ലക്ഷം, ഓരോ 5 വർഷവും വർധിക്കും; സിറ്റിങ് എംഎൽഎ മരിച്ചാൽ കുടുംബത്തിന് 25 ലക്ഷം   
  

വിമാനത്തിൽ 8,500 രൂപ വരെ

ക്രിസ്മസ് യാത്രാ തിരക്കേറിയ 23നും 24നും കൊച്ചിയിലേക്കുള്ള വിമാന ‌ടിക്കറ്റ് നിരക്ക് 7,000–8,500 രൂപ വരെയാണ്. സാധാരണ ദിവസങ്ങളിൽ 3,500- 5,000 രൂപയുള്ള സ്ഥാനത്താണ് അവധിയോടനുബന്ധിച്ചുള്ള തിരക്കു കണക്കിലെടുത്തു നിരക്ക് വർധിപ്പിച്ചത്. 23ന് ആകാശ എയറിൽ 8,156 രൂപയും ഇൻഡിഗോയിൽ 7,100 രൂപയും എയർ ഇന്ത്യ എക്സ്പ്രസിൽ 8,409 രൂപയുമാണു നിരക്ക്. ഇനിയും രണ്ടാഴ്ചയോളം ബാക്കിയുള്ളതിനാൽ നിരക്കു കൂടിയേക്കും.
    

• പ്രതിക്കൂട്ടിൽ പരസ്പരം നോക്കാതെ ദിലീപും പൾസർ സുനിയും ; ഉദ്വേഗത്തിൽ മുങ്ങിയ ആ 10 മിനിറ്റ് ; നടിയെ ആക്രമിച്ച കേസിൽ വിധി പ്രസ്താവം ഇങ്ങനെ
    
  
     
  •   
       
  •   
      
     
  
• വോട്ടു ചെയ്യാൻ ബാങ്ക് പാസ്ബുക്‌ മതി, പക്ഷേ കാലാവധി നോക്കണം; പ്രവാസി വോട്ടർമാർ എന്ത് രേഖ നൽകണം? ‘എൻഡ് ബട്ടൺ’ അമർത്താൻ മറന്നാൽ പ്രശ്നമാണോ?
    
  
     
  •   
       
  •   
      
     
  
• ‘പുസ്തകത്തെപറ്റി ചോദിക്കേണ്ടത് പ്രസാധകരോടല്ല, ട്രെയിനിൽ നടന്നു വിൽക്കുന്നവരോട്’
    
  
     
  •   
       
  •   
      
     
  

MORE PREMIUM STORIES


എറണാകുളത്തേക്ക് ഇന്നും നാളെയുമെല്ലാം 2,000 രൂപ വരെയാണു സ്വകാര്യ ബസിൽ നിരക്ക്. പതിവ് നിരക്കിനെക്കാൾ 200–300 രൂപ കൂടുതലാണിത്. അതേസമയം, ക്രിസ്മസ് അവധിയാത്ര തുടങ്ങുന്ന 19നു കൊച്ചിയിലേക്ക് സ്വകാര്യ ബസിൽ പരമാവധി 6,000 രൂപയാണു നിരക്ക്. കുറഞ്ഞ നിരക്ക് 1,700 രൂപ. അന്നേ ദിവസം എറണാകുളത്തേക്കു സർവീസ് നടത്തുന്ന 122 ബസുകളിൽ എൺപതോളം ബസുകളിലും 3,000 രൂപയ്ക്കു മുകളിലാണു നിരക്ക്. തുടർന്നു ക്രിസ്മസ് വരെയുള്ള ദിവസങ്ങളിലെല്ലാം പതിവ് നിരക്കിന്റെ ഇരട്ടിയിലധികമാണു മിക്കവരും ഈടാക്കുന്നത്. യാത്രാ ദിവസം അടുക്കുംതോറും നിരക്ക് ഇനിയും വർധിക്കും. മുംബൈ, ഗോവ എന്നിവിടങ്ങളിലേക്കുള്ള ബസുകളിലും യാത്രാനിരക്ക് 4,000 രൂപ കടന്നു.
（Disclaimer: വാർത്തയു‍ടെ കൂടെയുള്ള ചിത്രം മലയാള മനോരമയുടേതല്ല. ചിത്രം @Hamsaa04 എന്ന എക്സ് അക്കൗണ്ടിൽനിന്ന് എടുത്തതാണ്.）

• Also Read ഇന്ത്യയിൽ ഒന്നരലക്ഷം കോടിയുടെ നിക്ഷേപത്തിനൊരുങ്ങി മൈക്രോസോഫ്റ്റ്, ഏഷ്യയിലെ ഏറ്റവും വലിയ നിക്ഷേപം   
  

English Summary:
Private Bus Fare Increase from Bangalore: Christmas travel price hike has led to a surge in private bus fares from Bangalore to Kerala. With flight cancellations and trains fully booked, travelers are forced to rely on expensive bus tickets, especially during the peak holiday season. This has made traveling expensive and difficult for many.