 
തിരുവനന്തപുരം∙ പ്രചാരണ ആരവങ്ങൾ പിന്നിട്ട് സംസ്ഥാനത്തെ 7 ജില്ലകളിലെ തദ്ദേശ സ്ഥാപനങ്ങൾ നാളെ ജനവിധിയിലേക്ക്. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളിലാണ് നാളെ ആദ്യഘട്ട വോട്ടെടുപ്പ്. 11ന് രണ്ടാംഘട്ട വോട്ടെടുപ്പ് നടക്കുന്ന തൃശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകളിലെ പരസ്യപ്രചാരണം നാളെ സമാപിക്കും.
- Also Read പദ്ധതിച്ചെലവ് 27.98% മാത്രം; പുതിയ മെംബർക്ക് കഠിനവഴി
 
7 ജില്ലകളിലെ 595 തദ്ദേശ സ്ഥാപനങ്ങളിലേക്കാണ് നാളെ വോട്ടെടുപ്പ്. ഗ്രാമപഞ്ചായത്ത് - 471, ബ്ലോക്ക് പഞ്ചായത്ത് - 75, ജില്ലാ പഞ്ചായത്ത് - 7, മുനിസിപ്പാലിറ്റി - 39, കോർപ്പറേഷൻ - 3 എന്നിവ ഉൾപ്പെടെ ആകെ 11,168 വാർഡുകളിലാണ് സ്ഥാനാർഥികൾ ജനവിധി തേടുന്നത്. ആകെ 1,32,83,789 വോട്ടർമാരാണ് പട്ടികയിലുള്ളത്. പുരുഷൻമാർ - 62,51,219. സ്ത്രീകൾ 70,32,444. ട്രാൻസ്ജെൻഡർ 126. 456 പ്രവാസി വോട്ടർമാരും പട്ടികയിലുണ്ട്. ആകെ 36,630 സ്ഥാനാർഥികളാണ് നാളെ ബാലറ്റിലുണ്ടാവുക. 17,056 പുരുഷന്മാരും, 19,573 സ്ത്രീകളും, ഒരു ട്രാൻസ്ജെൻഡറുമാണ് മത്സരിക്കുന്നത്.
- Also Read അപ്പീൽ പോകും, മുഖ്യമന്ത്രിയുമായി സംസാരിച്ചു; അതിജീവിതയ്ക്ക് നീതി ഉറപ്പാക്കുമെന്ന് നിയമമന്ത്രി
വോട്ടെടുപ്പ് രാവിലെ 7നാണ് തുടങ്ങുക. വൈകിട്ട് 6 വരെയാണ് സമയമെങ്കിലും അതിനുമുൻപ് ബൂത്തിൽ എത്തുന്നവരെ ടോക്കൺ നൽകി 6നു ശേഷവും വോട്ടുചെയ്യാൻ അനുവദിക്കും. രാവിലെ 6ന് സ്ഥാനാർഥികളുടെയും ഏജന്റുമാരുടെയും സാന്നിധ്യത്തിൽ മോക്പോൾ നടത്തി ഫലം പരിശോധിച്ച് കൃത്യത ഉറപ്പാക്കിയ ശേഷമാണു വോട്ടെടുപ്പ് തുടങ്ങുക.
 
- എഫ് വൺ: ബ്രിട്ടനിലെ ആ പ്രതിഭകൾക്കൊപ്പം ഇനി നോറിസും; ബൈക്കിൽ നിന്ന് കാർട്ടിലേക്ക് തിരിച്ചുവിട്ടത് പിതാവ്; കാറിന്റെ വികസിപ്പിച്ച പിൻഭാഗം പ്ലസ് പോയിന്റ്
- ഉഗ്രൻ തണുപ്പായി, കുന്നിൻചെരിവുകൾ തിളങ്ങുന്നു; ക്രിസ്മസ് മിസോറമിൽ ആയാലോ? പെർമിറ്റ് എടുത്താൽ കാണാം കാഴ്ചകളും അദ്ഭുതപ്പെടുത്തും മനുഷ്യരെയും
- കിഴവനുമുണ്ട് ബുദ്ധി– ‘ഉൾക്കാഴ്ച’യിൽ ബി.എസ്.വാരിയർ എഴുതുന്നു
MORE PREMIUM STORIES
2020ലെ തദ്ദേശ തിരഞ്ഞെടുപ്പിൽ 75.93 ശതമാനവും 2015ൽ 77.76 ശതമാനവുമായിരുന്നു പോളിങ്. ഡിസംബർ 11ന് രണ്ടാംഘട്ട വോട്ടെടുപ്പിനു പിന്നാലെ 13നാണ് വോട്ടെണ്ണൽ. ആദ്യഘട്ടത്തിൽ 15,432 പോളിങ് സ്റ്റേഷനുകളുണ്ട്. ഇതിൽ 480 എണ്ണം പ്രശ്നബാധിത ബൂത്തുകളാണ്. തദ്ദേശ തിരഞ്ഞെടുപ്പിൽ വോട്ടിങ് മെഷീനിൽ ‘നോട്ട’ രേഖപ്പെടുത്താൻ കഴിയില്ല. അതുപോലെ വോട്ട് കൃത്യമായി രേഖപ്പെടുത്തി എന്ന് ഉറപ്പിക്കാനുള്ള ‘വിവിപാറ്റ്’ മെഷീനുമുണ്ടാകില്ല. English Summary:
Kerala Local Body Election 2025 is set to begin in seven districts: Kerala local body election commences in 7 districts with polling scheduled from 7 AM to 6 PM. Voters arriving before 6 PM will be allowed to vote after token distribution, and vote counting is to be held on the 13th. |
