‘നിങ്ങൾ സ്ത്രീപക്ഷത്തോ അതോ റേപ്പിസ്റ്റ് പക്ഷത്തോ? ഉത്തരം പറയൂ പ്രിയങ്കേ’; ഷമ മുഹമ്മദിനു സല്യൂട്ടടിച്ച് പി.കെ. ശ്രീമതി

  



കൽപറ്റ ∙ രാഹുൽ മാങ്കൂട്ടത്തിൽ വിഷയത്തിൽ വയനാട് എംപി പ്രിയങ്ക ഗാന്ധിക്കെതിരെ സമൂഹമാധ്യമ പോസ്റ്റുമായി സിപിഎം കേന്ദ്ര കമ്മിറ്റി അംഗം പി.കെ.ശ്രീമതി. ‘‘വയനാട് എംപി വായ് തുറക്കാത്തതെന്ത് ? നിങ്ങൾ സ്ത്രീപക്ഷത്തോ അതോ റേപ്പിസ്റ്റ് പക്ഷത്തോ? ഉത്തരം പറയൂ പ്രിയങ്കേ’’ എന്നാണ് പി.കെ.ശ്രീമതിയുടെ സമൂഹമാധ്യമത്തിലെ പോസ്റ്റ്.  

• Also Read മോശം മെസേജ് അയച്ചു, കോൺഗ്രസിലെ ഒരുപാട് സ്ത്രീകളോട് മോശമായി പെരുമാറി: രാഹുലിനെതിരെ പുതിയ വെളിപ്പെടുത്തൽ   
  

രാഹുൽ മാങ്കൂട്ടത്തിലിനെതിരെ കെപിസിസി സംസ്കാര സാഹിതി ജനറൽ സെക്രട്ടറി എം.എ.ഷഹനാസിന്റെ പോസ്റ്റിലെ വരികൾ സൂചിപ്പിച്ച് ഈ വെളിപ്പെടുത്തൽ അത്യന്തം ഗൗരവമുള്ളതെന്ന മറ്റൊരു പോസ്റ്റും പി.കെ.ശ്രീമതിയുടേതായുണ്ട്. രാഹുലിനെതിരെ പ്രതികരണവുമായി രംഗത്തുവന്ന കോൺഗ്രസിലെ വനിത നേതാവ് ഷമ മുഹമ്മദിനെ കണ്ണൂരുമായി കോർത്തിണക്കി പ്രകീർത്തിച്ചും പി.കെ.ശ്രീമതി സമൂഹമാധ്യമത്തിൽ പോസ്റ്റ് ഇട്ടിട്ടുണ്ട്. ‘കണ്ണൂർക്കാരിയായ ഷമ മുഹമ്മദിന് ബിഗ് സല്യൂട്ട്’ എന്നാണ് പോസ്റ്റ്. English Summary:
PK Sreemathi\“s Criticism of Priyanka Gandhi on Rahul Mamkootathil Issue: The CPM leader questioned Priyanka Gandhi\“s silence and stance on the issue, sparking political debate in Kerala.