ഉണ്ണികൃഷ്ണൻ പോറ്റിക്ക് സർക്കാരിൽ ദുസ്വാധീനം; വിശ്വാസികളെ അണിനിരത്തി പ്രതിഷേധിക്കാൻ കോൺഗ്രസ്

  



കോഴിക്കോട് ∙ ശബരിമല സ്വർണ്ണപ്പാളി മോഷ്ടിക്കാൻ അവസരമൊരുക്കിയ സർക്കാരിന്റെയും ദേവസ്വം ബോർഡിന്റെയും അനാസ്ഥയ്‌ക്കെതിരെ വിശ്വാസികളെ അണിനിരത്തി കോൺഗ്രസ് ശക്തമായ പ്രതിഷേധം സംഘടിപ്പിക്കുമെന്ന് കെപിസിസി പ്രസിഡന്റ് സണ്ണി ജോസഫ് എംഎൽഎ. ശബരിമലയിൽ വലിയ സുരക്ഷയുണ്ടായിട്ടും സ്വർണം നഷ്ടപ്പെടാനുണ്ടായ സാഹചര്യത്തെ വിമർശിച്ച സണ്ണി ജോസഫ് ഈ വിഷയത്തിൽ സംസ്ഥാന സർക്കാരിന്റെയും ദേവസ്വം ബോർഡിന്റെയും പ്രതികരണം വിശ്വാസയോഗ്യമല്ലെന്നും പറഞ്ഞു.

• Also Read \“ഇപ്പോൾ പറയുന്നു ശബരിമലയിൽ വിജയ് മല്യ പൂശിയത് ചെമ്പാണെന്ന്\“; സ്വർണപ്പാളിയിൽ കോടതിയുടെ അന്വേഷണം വേണമെന്ന് ചെന്നിത്തല   
  

ഉത്തരവാദിത്തപ്പെട്ടവർ അറിയാതെ ശബരിമലയിൽ നിന്ന് സ്വർണം നഷ്ടപ്പെടില്ല. കള്ളൻ കപ്പലിൽ തന്നെയാണെന്ന് ചൂണ്ടിക്കാട്ടിയ സണ്ണി ജോസഫ് ശബരിമലയിലെ സ്വർണം നഷ്ടപ്പെടാനുണ്ടായ സാഹചര്യം അന്വേഷിക്കണമെന്ന് ആവശ്യപ്പെട്ടു. നഷ്ടപ്പെട്ട സ്വർണം എത്രയെന്ന് കണ്ടെത്തണം. ഉത്തരവാദികൾ എത്ര ഉന്നതനായാലും കടുത്ത ശിക്ഷാ നടപടി സർക്കാർ സ്വീകരിക്കണമെന്നും അദ്ദേഹം പറഞ്ഞു.

• Also Read പ്രവാസികളുടെ കയ്യിൽ അവശ്യസമയത്ത് പണമെത്തും, ടെൻഷനില്ലാതെ വിശ്രമജീവിതം; ഉറപ്പാക്കണം ഈ നിക്ഷേപങ്ങൾ, എന്തെല്ലാം ശ്രദ്ധിക്കണം?   
  

ആരോപണ വിധേയനായ ഉണ്ണികൃഷ്ണൻ പോറ്റിക്ക് സർക്കാർ തലത്തിലുള്ള ദുസ്വാധീനമാണ് തട്ടിപ്പുകൾക്ക് അവസരം ഒരുക്കിയത്. ദേവസ്വം ബോർഡും സർക്കാരും ചേർന്ന് സംഘടിപ്പിച്ച അയ്യപ്പ സംഗമം പ്രഹസനമായിരുന്നെന്ന് വ്യക്തമാക്കുന്നതാണ് സ്വർണ്ണപ്പാളി വിവാദവുമായി ബന്ധപ്പെട്ട സംഭവ വികാസങ്ങളെന്നും സണ്ണി ജോസഫ് പറഞ്ഞു. English Summary:
Congress to Protest Sabarimala Gold Theft: The Kerala Congress is protesting against the alleged negligence of the government and Devaswom Board regarding the Sabarimala gold theft incident, demanding a thorough investigation and strict action against those responsible.