ശബരിമല∙ മണ്ഡല- മകരവിളക്ക് തീർത്ഥാടന കാലയളവിൽ ആദ്യത്തെ 15 ദിവസം ശബരിമലയിൽ ദേവസ്വം ബോർഡിന് ലഭിച്ച ആകെ വരുമാനം 92 കോടി രൂപ. കഴിഞ്ഞ വർഷം ഇതേ സമയത്തെ അപേക്ഷിച്ച് （69 കോടി） 33.33 % കൂടുതലാണിത്. ഇന്നലെ （നവംബർ 30） വരെയുള്ള കണക്കാണിത്. വരുമാനത്തിന്റെ ഭൂരിഭാഗവും അരവണ വിൽപ്പനയിൽ നിന്നാണ്. 47 കോടി രൂപയാണ് അരവണയിൽ നിന്നുള്ള വരുമാനം. കഴിഞ്ഞ വർഷം ആദ്യത്തെ 15 ദിവസം ഇത് 32 കോടിയായിരുന്നു; 46.86 ശതമാനമാണ് വർധന.
- Also Read എരുമേലിയിൽ പ്രവർത്തിക്കുന്നത് തമിഴ്നാട് സ്വദേശികളായ 125 വിശുദ്ധി സേനാംഗങ്ങൾ
അപ്പം വിൽപ്പനയിൽ നിന്ന് ഇതുവരെ 3.5 കോടി രൂപയാണ് ലഭിച്ചത്. കഴിഞ്ഞ വർഷവും ഏകദേശം ഇതേ തുക തന്നെയായിരുന്നു ലഭിച്ചിരുന്നത്. കാണിക്കയിൽ നിന്നുള്ള വരുമാനം 2024 ൽ ഇതേ സമയം 22 കോടി ആയിരുന്നപ്പോൾ ഈ സീസണിൽ അത് 26 കോടിയായി; 18.18 ശതമാനം വർധന. ഈ സീസണിൽ 13 ലക്ഷത്തോളം തീർത്ഥാടകരാണ് നവംബർ 30 വരെ ശബരിമലയിൽ എത്തിയത്.
- Also Read തീർഥാടനം തുടങ്ങി 15 ദിവസം; ദർശനം നടത്തിയവരുടെ എണ്ണം 13 ലക്ഷം
English Summary:
Sabarimala Revenue: Sabarimala revenue has seen a significant increase in the first 15 days of the Mandala-Makaravilakku season, reaching 92 crore rupees. This represents a 33.33% increase compared to the same period last year, primarily driven by Aravana sales. |
