പോക്സോ അതിജീവിതയുടെ പേര് വെളിപ്പെടുത്തിയ സംഭവം: സൂരജ് പാലാക്കാരനെതിരായ കേസ് റദ്ദാക്കി സുപ്രീം കോടതി

ന്യൂഡൽഹി∙ കടയ്ക്കാവൂർ പോക്സോ കേസിൽ കുട്ടിയുടെ പേരു വെളിപ്പെടുത്തിയതുമായി ബന്ധപ്പെട്ട് യൂട്യൂബർ സൂരജ് പാലാക്കാരനെതിരായ കേസ് സുപ്രീം കോടതി ഉപാധികളോടെ റദ്ദാക്കി. കുട്ടിയുടെ പേരു വെളിപ്പെടുത്തിയ വിഡിയോയുടെ ഉദ്ദേശശുദ്ധി പരിഗണിച്ചാണ് നടപടി. ഇത്തരം നടപടി തുടർന്നുണ്ടായാൽ ഈ കേസ് സ്വയമേവ പുനഃസ്ഥാപിക്കപ്പെടുമെന്ന മുന്നറിയിപ്പോടെയാണ് ചീഫ് ജസ്റ്റിസ് സൂര്യകാന്ത് അധ്യക്ഷനായ ബെഞ്ച് കോടതി റദ്ദാക്കിയത്. Also Read മുഖ്യമന്ത്രി പിണറായി വിജയന് പുതിയ കാർ; 1.10 കോ‌ടി രൂപ അനുവദിച്ച് ധനവകുപ്പ്    പേര് വെളിപ്പെടുത്തിയതിൽ അതിജീവിതയ്ക്കുണ്ടായ ബുദ്ധിമുട്ടിൽ നിരുപാധിക മാപ്പപേക്ഷയോടെ സൂരജ് സത്യവാങ്മൂലം നല്‍കിയതു സൂരജിന്റെ അഭിഭാഷകൻ അഡോൾഫ് മാത്യു ചൂണ്ടിക്കാട്ടി. കേസ് റദ്ദാക്കുന്നതിനെ സംസ്ഥാന സർക്കാർ എതിർത്തെങ്കിലും കേസിൽ സ്വാഭാവികനീതി ഉറപ്പാക്കാനാണ് കേസ് ഒഴിവാക്കുന്നതെന്നു കോടതി പറഞ്ഞു. English Summary: Supreme Court Dismisses Kadakkavoor POCSO Case Against Sooraj Palakkaran: The decision considered the intent behind revealing the child\“s name in a video. The court warned that the case would be reinstated if such actions are repeated.