ഒരു പകരം വീട്ടൽ

  



തിരുവനന്തപുരത്ത് ശാസ്തമംഗലം ശ്രീരംഗം ലൈനിലുള്ള ഒരു കൊച്ചു വീട്ടിലാണ് ഞാൻ ജനിച്ചു വളർന്നത്. അച്ചാച്ചനും അമ്മച്ചിയും ഏഴു മക്കളും; പോരെങ്കിൽ, മോളി എന്ന പേരുള്ള ഒരു പശുവും രണ്ടു കിടാക്കളും, ജിമ്മി എന്ന പേരുള്ള ഒരു നായയും, ബില്ലി എന്ന പേരുള്ള ഒരു പൂച്ചയും, പേരില്ലാത്ത കുറെ പിടക്കോഴികളും, ഒരു പൂവൻകോഴിയും.   എല്ലാം \“ഏകോദര സോദരരെ\“ പ്പോലെ കഴിഞ്ഞു പോന്ന ഒരു ചെറിയ \“വലിയ\“ വീട്.

• Also Read മഹാനഗരത്തിന്റെ ഗാഥകൾ   
  

പക്ഷേ, ഞങ്ങൾക്ക് ഒരു പ്രശ്നമുണ്ടായിരുന്നു: അയൽവാസിയുടെ പറമ്പിലുള്ള കൂറ്റൻ പുളി മരം. അതിന്റെ  ഒട്ടുമുക്കാലും ശിഖരങ്ങൾ ഞങ്ങളുടെ വീടിന്റെ മീതേ ചാഞ്ഞു നിന്നിരുന്നു. അതു മുറിച്ചു മാറ്റാൻ പലതവണ അഭ്യർഥിച്ചിട്ടും അയൽവാസി തയാറായില്ല. പട്ടാളത്തിൽ മേജറായിരുന്ന അച്ചാച്ചൻ വർഷത്തിലൊരിക്കൽ അവധിക്കു വരുമ്പോൾ ഇക്കാര്യം പറഞ്ഞ് അയൽവാസിയുമായി വഴക്കുണ്ടാകും.

രണ്ടു തവണ റവന്യു ഡിവിഷൻ ഓഫിസർക്ക് （ആർഡിഒ） പരാതി നൽകിയെങ്കിലും ഒരു നടപടിയും ഉണ്ടായില്ല. മൂന്നാമത്തെ വർഷം അച്ചാച്ചൻ വന്നപ്പോൾ വീണ്ടും വഴക്കായി. കലി കൊണ്ടു തുള്ളിയ അപ്പൻ ഒരു തോക്കെടുത്ത് അയൽവാസിയുടെ നേരെ ചൂണ്ടി ‘I will shoot you down’  എന്ന് ആക്രോശിച്ചു. ഞങ്ങളെല്ലാം വാവിട്ടു നിലവിളിച്ചു. വാഗാ അതിർത്തിയിൽ നുഴഞ്ഞു കയറിവന്ന ഒരു പാക്കിസ്ഥാനിയെ അപ്പൻ വെടി വച്ചിടുന്നതും മറ്റൊരാളെ ബയണറ്റ് കൊണ്ടു കുത്തി മലർത്തുന്നതും ഞാൻ മനസ്സിൽ കണ്ടു. അതിന്റെ തനിയാവർത്തനം ഇവിടെ സംഭവിക്കുമോ?

ഞങ്ങളുടെ നിലവിളി കേട്ട് അയൽക്കാർ ഓടിയെത്തി രണ്ടു പേരെയും തള്ളിമാറ്റി സമാധാനം പുനഃസ്ഥാപിച്ചു. രാത്രിയിൽ അച്ചാച്ചൻ ഒന്നു ശാന്തനായപ്പോൾ അമ്മ ചോദിച്ചു: ‘മനുഷ്യാ, ഞങ്ങളെ പേടിപ്പിച്ചു കളഞ്ഞല്ലോ! ആ കാഞ്ചി വലിച്ചിരുന്നെങ്കിൽ എന്തായേനെ സ്ഥിതി?’ ചിരിച്ചു കൊണ്ട് അച്ചാച്ചൻ പറഞ്ഞു: ‘എടീ, അത് ഉണ്ടയില്ലാത്ത തോക്കല്ലായിരുന്നോ!’. കൊള്ളാം, ഈ അപ്പൻ ആളൊരു ‘ജപ്പാൻ’ തന്നെ!

വർഷങ്ങൾ കഴിഞ്ഞിട്ടും ആർഡിഒയുടെ ഭാഗത്തുനിന്നും ഒരു നടപടിയും ഉണ്ടായില്ല. തീർത്തും ന്യായമായ ഒരു പരാതി പരിഹരിക്കാൻ ഈ സർക്കാർ ഉദ്യോഗസ്ഥൻ തയാറാകാത്തത് എന്തെന്ന് ഞാൻ അദ്ഭുതപ്പെട്ടു. എന്നെങ്കിലും ഞാൻ ഒരു ആർഡിഒ ആയാൽ ഇത്തരം പ്രശ്നങ്ങളിൽ ഉടനടി പരിഹാരം കണ്ടെത്തുമെന്ന് മനസ്സിൽ പ്രതിജ്ഞ എടുത്തു.Sunday Special, Malayalam News, Marathon, Over weight, Ladakh, Manuel\“s marathon journey, weight loss transformation, 100kg to marathon runner, marathon training, Six Star Finisher, മനുവേലിന്റെ മാരത്തോൺ യാത്ര, ഭാരം കുറയ്ക്കൽ, മാരത്തോൺ പരിശീലനം, ആറ് നക്ഷത്ര വിജയി, Delhi Marathon, Berlin Marathon, Chicago Marathon, New York Marathon, Tokyo Marathon, Boston Marathon, London Marathon, Sydney Marathon, Ladakh Marathon, Mumbai Marathon, weight loss motivation, health transformation, sleep apnea, water diet, mind over matter, fitness inspiration, overcoming adversity, Malabar Jewellers, Albin Raj, Achans Life, age is just a number, running motivation, Manorama, Malayala manorama, manorama online, manoramaonline, malayalam news, manorama news, malayala manorama news, ന്യൂസ്‌, malayala manorama online, latest malayalam news, Manorama Online News, Malayalam Latest News, മലയാളം വാർത്തകൾ, മലയാള മനോരമ, in Malayalam, Malayala Manorama Online News, മനോരമ ഓൺലൈൻ ന്യൂസ്, മലയാള മനോരമ , മനോരമ ന്യൂസ്, മലയാളം വാർത്തകൾ, From Overweight to “Six Star“ Finisher: Manuel\“s Inspiring Marathon Journey

1980ൽ ഞാൻ ഐഎഎസ് പരീക്ഷ പാസായി. പരിശീലനം കഴിഞ്ഞ് ആദ്യം കിട്ടിയ പോസ്റ്റ് മൂവാറ്റുപുഴ റവന്യു ഡിവിഷനൽ ഓഫിസർ! ഐഎഎസ് ഓഫിസറായാൽ \“സബ് കലക്ടർ\“ എന്നാവും ആ ഉദ്യോഗപ്പേര്. മരം വെട്ടി മാറ്റാനുള്ള പരാതിയുമായി ആരെങ്കിലും വന്നാൽ ഉടൻ നടപടി എടുക്കാനായി നിയമത്തിന്റെ പിൻബലം ഞാൻ അന്വേഷിച്ചു.The Travancore Tree Conservation Act എന്നൊരു പഴഞ്ചൻ ആക്ട് പൊടി തട്ടിയെടുത്തു （1986 ൽ ഈ ആക്ട് The Kerala Preservation of Trees Act ആയി രൂപാന്തരം പ്രാപിച്ചു）. പരാതികൾ ലഭിക്കുമ്പോൾ ഞാൻ ആകാംക്ഷയോടെ നോക്കും. ആരെങ്കിലും മരം വെട്ടാനുളള ഒരു പരാതിയുമായി വന്നിരുന്നുവെങ്കിൽ ഒന്നു കാണിച്ചു കൊടുക്കാമായിരുന്നു!

കാത്തിരിപ്പ് വിഫലമായില്ല. ഒരു ദിവസം ചട്ടയും മുണ്ടും ധരിച്ച ഒരു വല്യമ്മ വന്നു. വാഴക്കുളത്തു കുടിലിന്റെ മുകളിലേക്കു അയൽവാസിയുടെ തെങ്ങ് ചാഞ്ഞു നിൽക്കുന്നു. എപ്പോൾ വേണമെങ്കിലും വീഴാം. അയൽവാസി സ്ഥലത്തെ പ്രമാണിയാണ്. അദ്ദേഹത്തെ തൊടാൻ എല്ലാവർക്കും പേടി. താലൂക്ക് ഓഫിസിൽ പല പ്രാവശ്യം പോയെങ്കിലും \“നോക്കട്ടേ, നോക്കട്ടേ \“എന്ന മറുപടിയല്ലാതെ ഒന്നും നടക്കുന്നില്ല.  

‘ കിട്ടിപ്പോയ്! ഞാൻ ഉറ്റുനോക്കിയിരുന്ന പരാതി ഇതാ, എന്റെ മുന്നിൽ’! പരാതിയിൽ പറഞ്ഞ കാര്യങ്ങൾ നൂറുശതമാനവും ശരിയായിരിക്കുമെന്ന് എനിക്കുറപ്പായിരുന്നു. ഒരു നിമിഷം വൈകാതെ വല്യമ്മയോട് എന്റെ കാറിൽ കയറാൻ പറഞ്ഞു. ഉടൻ മൂവാറ്റുപുഴ തഹസിൽദാരെ ഫോണിൽ വിളിച്ച് വാഴക്കുളം വില്ലേജ് ഓഫിസിൽ അടിയന്തരമായി എത്താൻ നിർദേശിച്ചു. മരം വെട്ടുകാരായ രണ്ടു പേർ ആയുധങ്ങളും വടവുമായി എത്തണമെന്നും ആവശ്യപ്പെട്ടു.  വാഴക്കുളം സർക്കിൾ ഇൻസ്പെക്ടറോടും ഹാജരാകാൻ പറഞ്ഞു.

വാഴക്കുളം വില്ലേജ് ഓഫിസിൽ എത്തിയപ്പോൾ തഹസിൽദാർ, റവന്യു ഇൻസ്പെക്ടർ, വില്ലേജ് ഓഫിസർ, സിഐ, എസ്ഐ തുടങ്ങി എല്ലാവരും ഹാജർ. നാട്ടുകാരായ കുറെപ്പേരും, പ്രമാണിയും കാര്യസ്ഥനും എത്തിയിട്ടുണ്ട്. വല്യമ്മയുടെ കുടിലിനു മുകളിലേക്ക് അപകടകരമാംവിധം ചാഞ്ഞുനിൽക്കുന്ന തെങ്ങു ചൂണ്ടിക്കാണിച്ചിട്ട് വില്ലേജ് ഓഫിസറോട് അവിടെ വച്ച് തന്നെ റിപ്പോർട്ട് എഴുതാൻ ആവശ്യപ്പെട്ടു.  

കടലാസ് കാറിന്റെ ബോണറ്റിൽ വച്ച് വില്ലേജ് ഓഫിസർ റിപ്പോർട്ട് എഴുതി. അതിനു താഴെ റവന്യു ഇൻസ്പെക്ടർ സാക്ഷ്യപ്പെടുത്തി. ചുവടെ തഹസിൽദാർ ‘എത്രയും വേഗം മരം മുറിച്ചു മാറ്റിയില്ലെങ്കിൽ ജീവഹാനി സംഭവിക്കുമെന്ന്’ എഴുതി, മേൽനടപടിക്കായി എനിക്കു  സമർപ്പിച്ചു. ഉടനടി മരം മുറിച്ചുമാറ്റാൻ ഉത്തരവും കൊടുത്തു.

കാഴ്ചക്കാരായി വന്ന ജനം കയ്യടിച്ചു. പ്രമാണി എതിർപ്പ് പ്രകടിപ്പിച്ചപ്പോൾ ഞാൻ അയാളെ ശരിക്കും ഒന്നു വിരട്ടി. മിനിറ്റുകൾക്കുള്ളിൽ തെങ്ങ് മൂന്നു തുണ്ടമായി! വർഷങ്ങൾക്കു മുൻപ് എന്റെ അപ്പനോടു കാണിച്ച അന്യായത്തിന് ഞാൻ അങ്ങനെ പകരം വീട്ടി. English Summary:
Jiji Thomson IAS: Avenging a Family\“s Grievance Through Justice