ശരീരം മുറിച്ചു കഷണങ്ങളാക്കി, തല വെട്ടിമാറ്റി; പെൺകുട്ടിയുടെ മൃതദേഹം കണ്ടെത്തിയത് ഗായകന്റെ കാറിൽ നിന്ന്, പ്രതിയെ തേടി അലഞ്ഞ് പൊലീസ്

  

    



ലൊസാഞ്ചലസ് ∙ ഗായകൻ ഡേവിഡ് ആന്റണി ബർക്കിന്റെ വാഹനത്തിൽ നിന്ന് കൊല്ലപ്പെട്ട നിലയിൽ പെൺകുട്ടിയുടെ മൃതദേഹം കണ്ടെത്തിയ സംഭവത്തിൽ നിർണായക വിവരങ്ങൾ പുറത്ത്. ഡേവിഡിന്റെ ടെസ്‌ല കാറിൽ സെപ്റ്റംബർ എട്ടിനാണ് 15 വയസ്സുകാരി സെലസ്റ്റെ റിവാസിന്റെ അവയവങ്ങൾ മുറിച്ചു കഷണങ്ങളാക്കുകയും തല വെട്ടിമാറ്റുകയും ചെയ്ത നിലയിലുള്ള മൃതദേഹം കണ്ടെത്തിയത്. അന്വേഷണ സംഘത്തിന്റെ പുതിയ വെളിപ്പെടുത്തൽ പ്രകാരം മൃതദേഹാവശിഷ്ടം മരവിപ്പിച്ച നിലയിലായിരുന്നു. മൃതദേഹം മരവിപ്പിച്ച നിലയിലായതിനാൽ മരണകാരണം നിർണയിക്കാൻ ലൊസാഞ്ചലസ് കൗണ്ടി മെഡിക്കൽ എക്‌സാമിനർക്ക് തടസ്സം നേരിടാൻ സാധ്യതയുണ്ടെന്നാണ് അധികൃതർ അറിയിച്ചിരിക്കുന്നത്.

• പണവും ലഹരിയും നൽകി ലൈംഗിക ദുരുപയോഗം: മുൻ അധ്യാപികയ്ക്ക് ശിക്ഷ വിധിച്ച് കോടതി US News
    
  
     
  •   
       
  •   
      
     
  
• ‘അവിശ്വസനീയം!’: കുട്ടികളെ പഠിപ്പിക്കുന്ന ‘പരേതയായ അധ്യാപിക’; ‘മരിച്ചിട്ടും’ ക്ലാസെടുക്കുന്ന ലാറ, വിവാദം Europe News
    
  
     
  •   
       
  •   
      
     
  

ഡേവിഡ് ആന്റണി ബർക്കിന്റെ ഹോളിവുഡ് ഹിൽസിലെ വാടക പ്രോപ്പർട്ടിക്ക് പുറത്ത് ദിവസങ്ങളോളം നിർത്തിയിട്ടിരുന്ന ടെസ്‌ലയിൽ നിന്നുള്ള ദുർഗന്ധത്തെ തുടർന്ന് നടത്തിയ പരിശോധനയിലാണ് ക്രൂര കൊലപാതകം പുറത്തറിഞ്ഞത്. മുൻവശത്ത് നിന്ന് ദുർഗന്ധം വരുന്നതായി തൊഴിലാളികൾ അറിയിച്ചതിനെ തുടർന്ന് പൊലീസ് എത്തി വാഹനം പരിശോധിക്കുന്നതിനിടെയാണ് ഒരു ബാഗിൽ നിന്ന് സെലസ്റ്റെ റിവാസിന്റെ അവശിഷ്ടങ്ങൾ കണ്ടെത്തിയത്.

സെലസ്റ്റെ റിവാസിനെ കാണാതായി ഒരു വർഷത്തിന് ശേഷമാണ് മൃതദേഹം കണ്ടെത്തുന്നത്. 2024 ഏപ്രിലിൽ കലിഫോർണിയയിലെ എൽസിനോർ തടാകത്തിലെ വീട്ടിൽ വച്ചാണ് പെൺകുട്ടിയെ അവസാനമായി ജീവനോടെ കണ്ടത്.

∙ കൊലപാതകത്തിൽ രണ്ടാമതൊരു പ്രതിയോ?
അതേസമയം, കൊലപാതകവുമായി ബന്ധപ്പെട്ട് രണ്ടാമതൊരാൾക്ക് പങ്കുണ്ടെന്ന് ഡിറ്റക്ടീവുകൾ വിശ്വസിക്കുന്നതായി സൂചനയുണ്ട്. കൊലപാതകത്തിലും മൃതദേഹം നീക്കം ചെയ്യുന്നതിലും ഈ അജ്ഞാത വ്യക്തി പങ്കെടുത്തതാവാമെന്നും റിപ്പോർട്ടുകൾ സൂചിപ്പിക്കുന്നു.

പൊലീസ് ഈ കൂട്ടാളിയെക്കുറിച്ച് അന്വേഷിക്കുന്നത് എന്തുകൊണ്ടാണെന്ന് വ്യക്തമല്ലെങ്കിലും സോഷ്യൽ മീഡിയ പോസ്റ്റുകൾ, സെൽ ഫോൺ രേഖകൾ, ടെസ്‌ല ട്രാക്കിങ് ഡാറ്റ എന്നിവ ഉപയോഗിച്ച് പൊലീസ് കുറ്റകൃത്യത്തിന്റെ വിശദമായ ടൈംലൈൻ കണ്ടെത്തിയിട്ടുണ്ടെന്നാണ് വിവരം. ടെസ്‌ലയ്ക്ക് ഇന്റീരിയർ, എക്‌സ്‌റ്റീരിയർ ക്യാമറകൾ ഉള്ളതിനാൽ ഈ കൂട്ടാളിയെ കാണിക്കുന്ന ദൃശ്യങ്ങൾ പൊലീസിന്റെ പക്കലുണ്ടെന്നും സൂചനയുണ്ട്.

ഗായകനെ ഒരു പ്രതിയായി സംശയിക്കുന്നുണ്ടെങ്കിലും ഇതുവരെ അദ്ദേഹത്തിനെതിരെ ഒരു കുറ്റകൃത്യത്തിനും കുറ്റം ചുമത്തിയിട്ടില്ല. കൂടാതെ, ഡേവിഡ് അന്വേഷണവുമായി സഹകരിക്കുന്നില്ല എന്നും റിപ്പോർട്ടുകളുണ്ട്. മൃതദേഹം വലിയ തോതിൽ അഴുകിയതിനാൽ മരണകാരണം ഇതുവരെ നിർണ്ണയിച്ചിട്ടില്ല. വ്യക്തമായ വിവരം ലഭിക്കുന്നതിനായി അധികൃതർ ടോക്സിക്കോളജി റിപ്പോർട്ടുകൾക്കായി കാത്തിരിക്കുകയാണ്. English Summary:
Los Angeles Murder investigation reveals body parts of a 15-year-old girl, Celeste Riva, were found in singer David Anthony Burke\“s Tesla. The body was discovered in a state of decomposition, hindering the determination of the cause of death, and authorities suspect a second accomplice may have been involved.