തിരുവനന്തപുരം∙ പുരാവസ്തുക്കള് കടത്തി അന്താരാഷ്ട്ര കരിഞ്ചന്തയില് ശതകോടികള്ക്കു വിറ്റഴിക്കുന്ന കള്ളക്കടത്ത് സംഘങ്ങള്ക്ക് ശബരിമല സ്വര്ണമോഷണ കേസുമായി ബന്ധമുണ്ടെന്ന് വെളിപ്പെടുത്തിയ രമേശ് ചെന്നിത്തലയുടെ മൊഴി പ്രത്യേക അന്വേഷണ സംഘം രേഖപ്പെടുത്തും. എസ്ഐടി രമേശ് ചെന്നിത്തലയെ ഫോണിൽ വിളിച്ച് മൊഴി നൽകണമെന്ന് നിർദേശിച്ചു. ബുധനാഴ്ച മൊഴി നൽകുമെന്ന് ചെന്നിത്തല പറഞ്ഞു.
Also Read ‘പുരാവസ്തുക്കൾ കടത്താൻ രാജ്യാന്തര കൊള്ളസംഘം; ഉന്നതർക്ക് അടുത്ത ബന്ധം, വിവരങ്ങൾ നൽകാൻ തയാർ’
പുരാവസ്തു കള്ളക്കടത്ത് സംഘത്തെക്കുറിച്ച് അന്വേഷിക്കണമെന്നാവശ്യപ്പെട്ട് കോണ്ഗ്രസ് പ്രവര്ത്തക സമിതി അംഗം രമേശ് ചെന്നിത്തല പ്രത്യേക അന്വേഷണ സഘത്തെ നയിക്കുന്ന എഡിജിപി എച്ച്.വെങ്കടേഷിന് കത്തു നല്കിയിരുന്നു. ക്ഷേത്രങ്ങളില് നിന്ന് പുരാവസ്തുക്കള് മോഷ്ടിച്ചു കടത്തി രാജ്യാന്തര കരിഞ്ചന്തയില് കോടിക്കണക്കിന് രൂപയ്ക്കു വില്ക്കുന്ന ഒരു സംഘവുമായി ദേവസ്വം ബോര്ഡിലെ ചില ഉന്നതര്ക്ക് അടുത്ത ബന്ധമുണ്ടായിരുന്നതായി അറിവ് ലഭിച്ചിട്ടുണ്ടെന്നും ഇതിന്റെ പശ്ചാത്തലത്തിലാണ് അന്വേഷണം ഈ വഴിക്കു കൂടി മുന്നോട്ടു കൊണ്ടുപോകണം എന്നാവശ്യപ്പെടുന്നതെന്നും കത്തില് പറയുന്നു. ശബരിമലക്കേസിന്റെ ഈ കാണാപ്പുറത്തുള്ള അന്താരാഷ്ട്ര മാനങ്ങളെ കുറിച്ചു കൂടി അന്വേഷിക്കണം.
ഇത്തരം പൗരാണിക സാധനങ്ങള് മോഷ്ടിച്ചു കടത്തി രാജ്യാന്തര കരിഞ്ചന്തയില് എത്തിക്കുന്നവരെക്കുറിച്ചു നേരിട്ട് അറിവുള്ള ഒരാളില് നിന്നു ലഭിച്ച വിശ്വസനീയമായ വിവരങ്ങളുടെ അടിസ്ഥാനത്തിലാണ് കത്തു നല്കുന്നതെന്നും രമേശ് ചെന്നിത്തല പറയുന്നു. അദ്ദേഹത്തില് നിന്നു കിട്ടിയ വിവരങ്ങളുടെ അടിസ്ഥാനത്തില്, ഏതാണ്ട് 500 കോടിക്കടുത്തുള്ള ഇടപാടാണ് സ്വര്ണപ്പാളിയുടെ കാര്യത്തില് നടന്നിരിക്കുന്നത്. ഈ വിവരങ്ങളുടെ വിശ്വാസ്യത സ്വതന്ത്രമായി താന് പരിശോധിക്കുകയും അതില് ചില യാഥാര്ഥ്യങ്ങളുണ്ടെന്നു മനസിലാക്കുകയും ചെയ്തതിന്റെ അടിസ്ഥാനത്തിലാണ് ഇപ്പോള് വിവരം പ്രത്യേക അന്വേഷണ സംഘത്തിന് കൈമാറുന്നത്. പ്രത്യേക അന്വേഷണ സംഘവുമായി സഹകരിക്കാന് തയാറാണെന്നും കത്തിൽ വ്യക്തമാക്കിയിരുന്നു.
ഉഗ്രൻ തണുപ്പായി, കുന്നിൻചെരിവുകൾ തിളങ്ങുന്നു; ക്രിസ്മസ് മിസോറമിൽ ആയാലോ? പെർമിറ്റ് എടുത്താൽ കാണാം കാഴ്ചകളും അദ്ഭുതപ്പെടുത്തും മനുഷ്യരെയും
വിമാനം റദ്ദാക്കിയാൽ പകരം ടിക്കറ്റ് എങ്ങനെ കിട്ടും? ഇതു ചെയ്താൽ മാത്രം നഷ്ടപരിഹാരം! യാത്രയിൽ പരുക്കേറ്റാൽ 1.3 കോടി വരെ; ഫ്ലൈറ്റ് യാത്രക്കാർ അറിയേണ്ടതെല്ലാം...
അന്ന് ആദ്യം മഴയ്ക്കു പഴി! മഴയില്ലാത്തപ്പോൾ വീണ്ടും ദേശീയപാത ഇടിയാൻ കാരണം റെഡിമെയ്ഡ് ഭിത്തിയോ? ഉറപ്പും വീതിയും കൂട്ടൽ ഇനി പ്രായോഗികമോ!
MORE PREMIUM STORIES
English Summary:
Ramesh Chennithala\“s testimony reveals a connection between antiquities smuggling and the Sabarimala gold theft case: The special investigation team will record Chennithala\“s statement regarding the alleged involvement of certain individuals in smuggling stolen artifacts and selling them on the international black market, potentially worth hundreds of crores.
