ആലപ്പുഴ ∙ എൻഎസ്എസ് നിലപാട് തദ്ദേശ, നിയമസഭാ തിരഞ്ഞെടുപ്പുകളിൽ എൽഡിഎഫിനു ഗുണം ചെയ്യുമെന്ന് എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശൻ. ശബരിമല യുവതീപ്രവേശന വിഷയത്തിലെ എൻഎസ്എസ് നിലപാടിനോട് എസ്എൻഡിപിക്കും യോജിപ്പാണ്. എൻഎസ്എസിന്റേത് വിഷയാധിഷ്ഠിത നിലപാടാണ്. സുകുമാരൻ നായർ പറഞ്ഞതാണ് ശരി. എൻഎസ്എസ് ഇനി സർക്കാരിനെ എതിർക്കേണ്ടതില്ല. എൻഎസ്എസ് നിലപാട് സമദൂരം ആണോ ശരിദൂരം ആണോ എന്നറിയില്ലെന്നും വെള്ളാപ്പള്ളി നടേശൻ പറഞ്ഞു.Swami Chaitanyananda Saraswati, Sexual harassment complaint, Student harassment case, Sri Sharada Institute, Financial aid students, Malayala Manorama Online News, Obscene messages, Forced physical relationship, Swami absconding, Fake vehicle number plate,Manorama News, Manorama Online, Malayalam News, Manorama Online News, Malayala Manorama, Malayalam Latest News, മലയാളം വാർത്തകൾ, മലയാള മനോരമ
നേര് നേരെ പറയണമെന്നു വെള്ളാപ്പള്ളി പറഞ്ഞു. ശരി ആരു പറഞ്ഞാലും അംഗീകരിക്കും. ആരു പറഞ്ഞു എന്നല്ല, എന്തു പറഞ്ഞു എന്നാണു നോക്കേണ്ടത്. എല്ലാ കാര്യത്തിലും സർക്കാരിനെ വിശ്വസിക്കണമെന്നില്ല. എന്നാൽ ശബരിമല വിഷയത്തിൽ സർക്കാരിനെ വിശ്വാസമാണ്. പഴയ ആചാരം അനുസരിച്ച് സർക്കാർ പ്രവർത്തിക്കുന്നത് ജനവികാരം കണക്കിലെടുത്താണ്. എൻഎസ്എസ് സർക്കാരിനെ നിരന്തരം എതിർത്തതായി അറിയില്ല. എൻഎസ്എസ് നേതൃത്വം വിഷയാധിഷ്ഠിതമായാണ് സർക്കാരിനെ എതിർത്തത്.
ശബരിമലയിലെ യുവതീപ്രവേശന വിഷയത്തിൽ എൻഎസ്എസ് സർക്കാരിനെ എതിർത്തിരുന്നു. എന്നാൽ ഇപ്പോൾ ഭക്തർക്കൊപ്പമാണെന്നു സർക്കാർ ബോധ്യപ്പെടുത്തിയപ്പോൾ എൻഎസ്എസ് നിലപാട് മാറ്റി. കോൺഗ്രസിനു നിലപാടില്ല എന്നത് സത്യമാണ്. എവിടെയെങ്കിലും എതിർക്കണം, അല്ലെങ്കിൽ അനുകൂലിക്കണം. എനിക്ക് ഒരു കോംപ്ലക്സുമില്ല. കോൺഗ്രസുകാർ എന്നെ അകത്താക്കാൻ നോക്കിയതാണ്. എന്റെ വീട്ടിൽ ആരും വരരുതെന്ന് കെപിസിസി വിലക്കിയിരുന്നു. പല കോൺഗ്രസുകാരും പാത്തും പതുങ്ങിയും വന്നിട്ടുണ്ട്. കോൺഗ്രസുകാർ വരാത്തതിൽ പിണക്കമില്ല, സന്തോഷമേയുള്ളൂ. തന്നെ അകത്താക്കാൻ നോക്കിയവരെ തന്റെ വീടിന്റെ അകത്താക്കുന്നത് എന്തിനാണെന്നും വെള്ളാപ്പള്ളി നടേശൻ പറഞ്ഞു.
English Summary:
Vellappally Natesan\“s statement: He believes that the NSS stance will benefit LDF in the local and assembly elections. He added that SNDP also agrees with NSS\“s position on the Sabarimala issue, and that NSS\“s approach is issue-based. |
