‘പരാതി പാർട്ടി അന്വേഷിക്കട്ടെ എന്നല്ല പറഞ്ഞത്; സിപിഎം കൈകാര്യം ചെയ്യുന്ന പോലെയല്ല കോൺഗ്രസ് കാര്യങ്ങൾ ചെയ്യുന്നത്’

  



കോഴിക്കോട് ∙ രാഹുൽ മാങ്കൂട്ടത്തിൽ എംഎൽഎക്ക് എതിരായ പുതിയ പീഡന പരാതി സംബന്ധിച്ച് പ്രതികരണവുമായി ഷാഫി പറമ്പിൽ എംപി. സിപിഎം കൈകാര്യം ചെയ്യുന്ന പോലെയല്ല നിയമപരമായി തന്നെയാണ് ഈ വിഷയത്തിൽ കോൺഗ്രസ് കാര്യങ്ങൾ ചെയ്യുന്നതെന്ന് ഷാഫി മാധ്യമങ്ങളോട് പറഞ്ഞു. കോഴിക്കോട് നഗരസഭാ ഡിവിഷനുകളിൽ തിരഞ്ഞെടുപ്പ് പ്രചാരണത്തിന് എത്തിയതായിരുന്നു അദ്ദേഹം.

• Also Read ‘അമ്പലക്കള്ളന്മാർ കടക്ക് പുറത്ത്’; കവർ ഫോട്ടോ മാറ്റി കോൺഗ്രസ് നേതാക്കൾ, ശ്രദ്ധ മാറാതിരിക്കാൻ സമൂഹ മാധ്യമ ക്യാംപെയിൻ   
  

‘‘രേഖാമൂലമുള്ള പരാതി വരും മുൻപ് യൂത്ത് കോൺഗ്രസ് നേതൃത്വത്തിൽ നിന്ന് രാഹുൽ മാങ്കൂട്ടത്തിൽ രാജിവയ്ക്കുകയും മാങ്കൂട്ടത്തിലിനെ പാർട്ടിയിൽ നിന്ന് സസ്പെൻഡ് ചെയ്യുകയും ചെയ്തിട്ടുണ്ട്. ഈ വിഷയത്തിൽ കെപിസിസി ഒരു നിലപാട് എടുത്തിട്ടുണ്ട്. കെപിസിസിക്ക് ഒരു പുതിയ പരാതി വന്നു. പരാതി പാർട്ടി അന്വേഷിക്കട്ടെ എന്നല്ല പറഞ്ഞത്. ആ പരാതി ഡിജിപിക്ക് അയച്ചു കൊടുത്തതായി വന്ന മെയിലിൽ തന്നെ കെപിസിസി മറുപടി കൊടുത്തു. പൊലീസ് നടപടിക്കും കോടതിയിൽ ഇക്കാര്യങ്ങൾ എങ്ങനെ നിൽക്കുമെന്നും നോക്കിയ ശേഷം രാഹുലിനെതിരെ പാർട്ടി നിലപാട് എടുക്കും. പാർട്ടി പ്രതികരിക്കേണ്ടതുണ്ടെങ്കിൽ പ്രതികരിക്കും. വന്ന പരാതി സിപിഎം ഒക്കെ ചെയ്യുന്ന പോലെ പാർട്ടിക്ക് അകത്തെ ഒരു സംവിധാനത്തിലേക്ക് അല്ല ഡിജിപിക്കാണ് അയച്ചിട്ടുള്ളത്. നിയമപരമായി കാര്യങ്ങൾ നടക്കട്ടെ എന്നാണ് പറഞ്ഞിട്ടുളളത്. മാങ്കൂട്ടത്തിൽ രാജി വയ്ക്കണമോ എന്ന കാര്യത്തിൽ കെപിസിസി പ്രസിഡന്റ് മറുപടി പറയും’’ – ഷാഫി പറമ്പിൽ പറഞ്ഞു.  

• Also Read ‘ഇങ്ങനെയൊരു സംഭവം നടന്നിട്ടില്ല; എന്തടിസ്ഥാനത്തിലാണ് പച്ചക്കള്ളങ്ങൾ പറയുന്നത്’: ആരോപണങ്ങൾ നിഷേധിച്ച് ഫെന്നി നൈനാൻ   
  

ശബരിമല സ്വർണക്കൊള്ളയിൽ ജയിലിൽ കിടക്കുന്ന നേതാക്കൾക്കെതിരെ സിപിഎം എന്ത് നടപടി എടുത്തുവെന്നും ഷാഫി പറമ്പിൽ ചോദിച്ചു. ഒരു കാരണം കാണിക്കൽ നോട്ടിസ് പോലും സിപിഎം നൽകിയില്ല. പാർട്ടിയുടെ ജില്ലാ സെക്രട്ടേറിയറ്റ് അംഗം, മുൻ എംഎൽഎ, ഡിവൈഎഫ്ഐയുടെ മുൻ സംസ്ഥാന വൈസ് പ്രസിഡന്റ് ആയിരുന്നയാൾ ശബരിമല പോലെ ഏറ്റവും പ്രധാനപ്പെട്ട ഇടത്തിൽ നടന്ന ഒരു കൊള്ളയ്ക്ക് നേതൃത്വം കൊടുത്തതിന്റെ പേരിൽ ഇന്ന് ജയിലിലാണ്. ആ ജയിലിലുള്ള നേതാവിനെ സംബന്ധിച്ച് ഒരു വിശദീകരണം ചോദിക്കുമ്പോൾ ഞങ്ങളൊക്കെ ഇതുപോലെ ജയിലിൽ കിടന്നിട്ടാണ് കമ്യുണിസ്റ്റ് ആയതെന്ന മറുപടിയാണ് സിപിഎം സംസ്ഥാന സെക്രട്ടറി പറഞ്ഞത്. കോൺഗ്രസിന്റെ സമീപനമല്ല  സിപിഎമ്മിന്റേത്. ശബരിമല വിഷയത്തെ ലഘൂകരിച്ച് കാണാനാവില്ല. കേരളത്തിലെ ഒരു സർക്കാരിന്റെ കാലത്തും കേട്ടുകേൾവിയില്ലാത്ത കാര്യമാണ് ശബരിമലയിൽ ഉണ്ടായത്. ഇതിൽ ഒരു നോട്ടിസ് പോലും അയച്ചിട്ടില്ല. ഇത്തരത്തിൽ കുറച്ച് ചോദ്യങ്ങൾ സിപിഎമ്മിനോടും ചോദിക്കണമെന്ന് ഷാഫി പറമ്പിൽ പറഞ്ഞു.
    

• അതിർത്തിക്കടുത്ത് ഭയാനകമായ ചിലത് സംഭവിച്ചു: അയലത്തെ ജെൻസീകൾ വീണ്ടും ‘കലിപ്പിൽ’; മാർച്ച് 5ന് നേപ്പാളിൽ എന്തു സംഭവിക്കും?
    
  
     
  •   
       
  •   
      
     
  
• ജയയെ അപമാനിച്ച കരുണാനിധിക്ക് ‘ഇടി’: പ്രസംഗ സമയം വരെ നിയന്ത്രിച്ച ‘അമ്മ’യുടെ വിശ്വസ്തൻ; വിജയ്‌ ഒരു പടികൂടി മുന്നിൽ
    
  
     
  •   
       
  •   
      
     
  
• വെനസ്വേലയെ വളഞ്ഞ് അമേരിക്കൻ പട: എന്താണ് യുഎസ് തേടുന്ന കാർട്ടൽ ഡി ലോസ് സോൾസ്? ട്രംപും തുടങ്ങുകയാണോ യുദ്ധം?
    
  
     
  •   
       
  •   
      
     
  

MORE PREMIUM STORIES
English Summary:
Shafi Parambil responds to allegations against Rahul Mamkootathil: He stated that Congress handles matters legally, unlike CPM, and the complaint was forwarded to the DGP for investigation, and the party will respond after legal proceedings. He criticized CPM\“s handling of the Sabarimala gold scam.