പുനലൂർ നഗരസഭയിൽ മിക്കയിടത്തും ബിജെപിക്ക് സ്ഥാനാർഥികളില്ല; മികച്ച പ്രകടനം നടത്തിയ വാർഡിലും ‘താമര’യിൽ മത്സരിക്കാൻ ആളില്ല

  



പുനലൂർ ∙ തദ്ദേശ തിരഞ്ഞെടുപ്പിൽ പുനലൂർ നഗരസഭയിൽ പലയിടത്തും സ്ഥാനാർഥികളെ നിർത്താതെ ബിജെപി. കഴിഞ്ഞ തദ്ദേശ തിരഞ്ഞെടുപ്പിനിടെ പുനലൂർ നഗരസഭയിൽ സിപിഎം പ്രവർത്തകരുടെ ആക്രമണത്തിൽ ബിജെപി സ്ഥാനാർഥി കൊല്ലപ്പെട്ട കക്കോട് വാർഡിൽ അടക്കം 13 വാർഡുകളിലാണ് ബിജെപി ഇക്കുറി സ്ഥാനാർഥികളെ നിർത്താതിരുന്നത്. കക്കോട് വാർഡിലെ ബിജെപി സ്ഥാനാർഥി സുമേഷ് ആണ് രണ്ടുവർഷം മുൻപുണ്ടായ സംഘർഷത്തിൽ കൊല്ലപ്പെട്ടത്. സംഭവത്തിൽ സിപിഎം കൗൺസിലർ അടക്കമുള്ള പ്രവർത്തകർക്ക് എതിരെ കേസെടുത്തിരുന്നു.  

• Also Read ആത്മഹത്യശ്രമം നടത്തിയതിനെ തുടർന്ന് ബിജെപി സ്ഥാനാർഥിത്വം നൽകിയ ശാലിനിക്കെതിരെ വിമത രംഗത്ത്   
  

കുതിരച്ചിറ എന്ന പുതിയ വാർഡ് കൂടി രൂപപ്പെട്ടതോടെ നിലവിൽ 36 വാർഡുകളാണ് പുനലൂർ നഗരസഭയിൽ ഉള്ളത്. സമീപ പഞ്ചായത്തുകളിൽ ഒട്ടുമിക്ക സീറ്റുകളിലും ബിജെപി സ്ഥാനാർഥികളെ നിർത്തിയപ്പോഴാണ് കഴിഞ്ഞ തവണ മികച്ച മത്സരം കാഴ്ചവച്ച പുനലൂരിലെ 13 വാർഡുകളിൽ സ്ഥാനാർഥികളെ നിർത്താതിരുന്നത്. ഐക്കരക്കോണം. ശാസ്താംകോണം, കാഞ്ഞിരമല, ചാലക്കോട്, പേപ്പർമിൽ, നെടുങ്കയം, മുസാവരി, നെല്ലിപ്പള്ളി, വിളക്കുവെട്ടം, കല്ലാർ, തുമ്പോട്, വാളക്കോട്, ഗ്രേസിങ് ബ്ലോക്ക്, ചെമ്മന്തൂർ എന്നീ വാർഡുകളിലാണ് ബിജെപിക്ക് സ്ഥാനാർഥികള്‍ ഇല്ലാത്തത്. ഇതിൽ ഐക്കരക്കോണം, ശാസ്താംകോണം വാർഡുകളിൽ കഴിഞ്ഞതവണ ബിജെപി രണ്ടാം സ്ഥാനത്ത് എത്തിയിരുന്നു.  

• Also Read പ്രതിവർഷം ജീവനൊടുക്കുന്നത് നാൽപതോളം പൊലീസുകാർ; നടൻ ദിലീപ് നിരപരാധി തന്നെ; ജയിച്ചാൽ മേയറാകുമോ? ആർ. ശ്രീലേഖ പറയുന്നു...   
  

അതേസമയം, യുഡിഎഫിന് വിജയസാധ്യതയുള്ള എല്ലാ വാർഡുകളിലും ബിജെപി സ്ഥാനാർഥികളെ നിർത്തിയിട്ടുണ്ട്. ഇവിടെ മികച്ച പ്രചാരണവും നടക്കുന്നുണ്ട്. കോൺഗ്രസിന്റെ 6 സിറ്റിങ് കൗൺസിലർമാർ മത്സരിക്കുന്ന വാർഡുകളിൽ കല്ലാർ, നെടുങ്കയം വാർഡുകൾ ഒഴികെ മറ്റെല്ലായിടത്തും ബിജെപിക്ക് സ്ഥാനാർഥികൾ ഉണ്ട്. കഴിഞ്ഞതവണ ആകെയുള്ള 35 സീറ്റുകളിൽ 21 സീറ്റുകളിൽ എൽഡിഎഫും 14 സീറ്റുകളിൽ യുഡിഎഫും ആണ് വിജയിച്ചത്.

• Also Read എം.എസ്.കുമാറിനെ സന്ദർശിച്ച് രാജീവ് ചന്ദ്രശേഖർ, ആനന്ദ് കെ.തമ്പിയുടെയും വീട്ടിലെത്തി; കുടുംബാംഗങ്ങളുമായി ചർച്ച   
  

    

• ബച്ചന്റെയും ഹേമ മാലിനിയുടെയും മുന്നില്‍വച്ച് ജയ പറഞ്ഞു, ഇതാണെന്റെ ‘ഗ്രീക്ക് ദൈവം’: ധർമേന്ദ്ര, സ്നേഹത്തിന്റെ ‘ഏകാധിപതി’
    
  
     
  •   
       
  •   
      
     
  
• ‘ഡീയസ് ഈറെ’യിൽ പ്രണവ് കണ്ട ആ കാഴ്ച സത്യമാണോ? മരിച്ച സഹോദരിയോടൊപ്പം അയാൾ കഴിഞ്ഞത് 6 മാസം
    
  
     
  •   
       
  •   
      
     
  
• അശ്ലീലമില്ല, ക്ലീഷേ അല്ല, നായികയുടെ ഒരു ഭാവം കൊണ്ട് അടൂർ എല്ലാം പറഞ്ഞു: ദൃശ്യബിംബങ്ങളിലൂടെ സംവദിച്ച ‘സ്വയംവരം’
    
  
     
  •   
       
  •   
      
     
  

MORE PREMIUM STORIES
English Summary:
BJP not contesting in several wards in Punalur Municipality: Punalur Municipality Election witnesses BJP\“s absence in 13 wards, including the one where a candidate was murdered in the last election. Despite contesting widely in nearby areas, BJP has not fielded candidates in several key wards within Punalur municipality.