ന്യൂഡൽഹി ∙ എയർ ട്രാഫിക് കൺട്രോൾ （എടിസി） സംവിധാനത്തിലെ സാങ്കേതിക തകരാറിനെ തുടർന്ന് ഡൽഹി ഇന്ദിരാ ഗാന്ധി രാജ്യാന്തര വിമാനത്താവളത്തിന്റെ പ്രവർത്തനം തടസ്സപ്പെട്ടു. ഇതോടെ വിമാന സർവീസുകൾ പലതും തടസ്സപ്പെട്ടു. സാധാരണ പ്രവർത്തനങ്ങൾ പുനഃസ്ഥാപിക്കാനുള്ള ശ്രമങ്ങൾ നടന്നുവരികയാണെന്ന് അധികൃതർ അറിയിച്ചു.
- Also Read നേമം സഹകരണ ബാങ്കിൽ ഇ.ഡി റെയ്ഡ്; നൂറു കോടിയോളം രൂപയുടെ ക്രമക്കേട്, മുൾമുനയിൽ സിപിഎം
വാർത്താ ഏജൻസിയായ പി‌ടി‌ഐയുടെ റിപ്പോർട്ട് പ്രകാരം ഇന്ന് നൂറോളം വിമാനങ്ങളാണ് വൈകിയത്. ഇന്നലെ വൈകിട്ട് ആരംഭിച്ച സാങ്കേതിക പ്രശ്നം ഇന്ന് രാവിലെയും തുടരുകയായിരുന്നു. ‘‘എയർ ട്രാഫിക് കൺട്രോൾ （എടിസി） സിസ്റ്റത്തിലെ സാങ്കേതിക പ്രശ്നം കാരണം, വിമാനത്താവളത്തിന്റെ പ്രവർത്തനങ്ങളിൽ കാലതാമസം നേരിടുകയാണ്. എത്രയും വേഗം അത് പരിഹരിക്കുന്നതിനായി സജീവമായി പ്രവർത്തിക്കുകയാണ്’’ – ഡൽഹി വിമാനത്താവള അധികൃതർ ഔദ്യോഗിക എക്സ് പോസ്റ്റിലൂടെ അറിയിച്ചു.
- Also Read കൊലക്കേസ് പ്രതിക്കെതിരെ ഗുണ്ടാ നേതാവിന്റെ ഭാര്യ; ഐശ്വര്യ റായിയുടെ സഹോദരിക്കും ബിഹാറിൽ സീറ്റ്; രാഹുൽ പറഞ്ഞില്ല, ഒടുവിൽ സ്വയം പ്രഖ്യാപിച്ച് തേജസ്വി
ഫ്ലൈറ്റ് ട്രാക്കിങ് വെബ്‌സൈറ്റായ ഫ്ലൈറ്റ് റഡാർ 24 പ്രകാരം, ശരാശരി 50 മിനിറ്റ് വരെയാണ് വിമാനങ്ങൾ വൈകുന്നത്. തത്സമയ വിവരങ്ങൾക്കായി യാത്രക്കാർ അതത് എയർലൈനുകളുമായി ബന്ധപ്പെടണമെന്നാണ് അധികൃതരുടെ അഭ്യർഥന.
 
- ‘കുറച്ച് പൈസ മറിക്കാനുണ്ടോ’ എന്ന് ആരോടും ചോദിക്കേണ്ട; അന്തസ്സോടെ ജീവിക്കാം, മാസാവസാനവും കയ്യിൽ കാശ്; ഈ സിംപിൾ ബജറ്റിങ് പരീക്ഷിക്കൂ
- വർഷത്തിൽ ഒരൊറ്റ വിളവെടുപ്പ്, തേയിലയെക്കാൾ ലാഭകരം, പുതിയ വരുമാന മാർഗം; തോട്ടങ്ങളിൽ ‘പൂവിടുമോ’ ഗവേഷകരുടെ സ്വപ്നം?
- ‘നമ്മുടെ ശരീരത്തില്‍ 6000 ലക്ഷം രോഗങ്ങൾ’: വിവരണം കേട്ട് വീണ്ടും രോഗിയാകുന്നവരും ഭയപ്പെടുത്താതെ ചികിത്സിക്കുന്ന വൈദ്യനും!
MORE PREMIUM STORIES
English Summary:
Delhi Airport Faces Disruption Due to ATC Failure: Delhi Airport Disruption caused by an Air Traffic Control （ATC） system failure led to significant flight delays. Authorities are working to restore normal operations, and passengers are advised to contact their respective airlines for real-time updates. |
