ന്യൂഡൽഹി∙ 13 വർഷമായി കോമയിൽ കഴിയുന്ന മുപ്പത്തിരണ്ടുകാരൻ ഹരീഷ് റാണയുടെ ദയാവധത്തിന് സുപ്രീം കോടതിയുടെ അനുമതി. തന്റെ മകന്റെ ദുരിതാവസ്ഥ കണ്ടുമടുത്ത മാതാപിതാക്കളാണ് ദയാവധം ആവശ്യപ്പെട്ട് സുപ്രീം കോടതിയെ സമീപിച്ചത്. നിലവിൽ ഡൽഹിയിലെ ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിൽ （എയിംസ്） ആണ് ഹരീഷ് റാണ കഴിയുന്നത്. 2013 ഓഗസ്റ്റ് 20ന് കെട്ടിടത്തിന്റെ നാലാം നിലയിൽനിന്നു വീണതോടെയാണ് നോയിഡ സ്വദേശി ഹരീഷ് റാണ（32）യുടെ ശരീരം തളർന്നത്.
അനങ്ങാൻ പോലും കഴിയാതെ കിടക്കുന്ന ഹരീഷിന്റെ ശരീരത്തിലാകെ മുറിവുകളാണ്. ട്യൂബിലൂടെയാണു ഭക്ഷണം നൽകുന്നത്. ഓക്സിജൻ ട്യൂബുമുണ്ട്. ഭേദപ്പെടുത്താനാകാത്തവിധം രോഗാവസ്ഥയിലാകുന്നവർക്കു മരുന്നും ഭക്ഷണവും മറ്റും ക്രമേണ നിർത്തിയുള്ള മരണം （പാസീവ് യുത്തനേസ്യ） അനുവദിക്കാറുണ്ട്. എന്നാൽ, ഡോക്ടറുടെ മേൽനോട്ടത്തിൽ മരുന്നും ഇൻജക്ഷനും മറ്റും ഉപയോഗിച്ചുള്ള മരണം （ആക്ടീവ് യുത്തനേസ്യ） ഇന്ത്യയിൽ അനുവദിച്ചിട്ടില്ല.
കൃത്രിമ ജീവൻരക്ഷാ ഉപകരണങ്ങളിലൂടെ ആയുസ്സ് നീട്ടുന്നത് അവരുടെ അന്തസ്സിനു വിരുദ്ധമാണെന്നും വീണ്ടെടുക്കൽ പ്രതീക്ഷയില്ലെന്നു പറയുമ്പോൾ ഒരു വ്യക്തിക്ക് മരണം തിരഞ്ഞെടുക്കാമെന്നും സുപ്രീം കോടതി വിധിച്ചു.
（Disclaimer: വാർത്തയ്ക്കൊപ്പമുള്ള ചിത്രം മലയാള മനോരമയുടേതല്ല. ചിത്രം @Arjun5chaudhary എന്ന എക്സ് അക്കൗണ്ടിൽനിന്ന് എടുത്തിട്ടുള്ളതാണ്.） ADVERTISEMENT Go AD-FREE
JUST IN
32 SECONDS AGO രാജ്യത്ത് ആദ്യം: നോയിഡ സ്വദേശിക്ക് ദയാവധം അനുവദിച്ച് സുപ്രീംകോടതി Latest News
11 MINUTES AGO ഹാ, കഷ്ടം; ടാറിൽ കുടുങ്ങി പിടയാൻ പോലും സാധിക്കാതെ 9 നായ്ക്കൾ Kozhikode
22 MINUTES AGO സുരക്ഷാ പ്രശ്നങ്ങൾ പരിഹരിക്കാതെ കൊട്ടിയം മേൽപാലം മേൽപാലം തുറന്നപ്പോൾ ഉമയനല്ലൂർ കുരുക്കിൽ Kollam
VIEW MORE
English Summary:
Supreme Court Permitted Euthanasia in India: Euthanasia has been permitted for the first time in India, following a landmark Supreme Court decision. The Supreme Court has granted euthanasia to Harish Rana, a resident of Noida, in a move that recognizes the right to assisted dying.
