മെക്സിക്കോ സിറ്റി∙ ഇന്ത്യ, ചൈന ഉൾപ്പെടെയുള്ള ഏഷ്യൻ രാജ്യങ്ങളിൽനിന്നുള്ള 1400ൽ അധികം ഉത്പന്നങ്ങൾക്ക് 50% വരെ ഉയർന്ന ഇറക്കുമതി ചുങ്കം ചുമത്താനുള്ള മെക്സിക്കോയുടെ തീരുമാനം ഇന്ത്യൻ കയറ്റുമതി മേഖലയ്ക്ക് വലിയ വെല്ലുവിളിയാകും. ദീർഘകാലമായി തുടരുന്ന സ്വതന്ത്ര വ്യാപാര അനുകൂല നിലപാടിൽനിന്നുള്ള മെക്സിക്കോയുടെ ഈ പിന്മാറ്റം ലാറ്റിനമേരിക്കൻ വിപണിയിലേക്കുള്ള ഇന്ത്യയുടെ പ്രവേശന ശ്രമങ്ങൾക്കു തടയിടും.
- Also Read 9 കോടി രൂപയുണ്ടോ? യുഎസ് പൗരനാകാം; ‘ ട്രംപ് ഗോൾഡ് കാർഡ്’ വീസ പദ്ധതിയുമായി ഡോണൾഡ് ട്രംപ്
ഇന്ത്യയെ ബാധിക്കുന്നത് എങ്ങനെ?
ലാറ്റിനമേരിക്കൻ രാജ്യങ്ങളിലേക്ക് ടെക്സ്റ്റൈൽസ്, ഓട്ടമൊബീൽ പാർട്സുകൾ, എഞ്ചിനീയറിങ് ഉത്പന്നങ്ങൾ എന്നിവയുടെ കയറ്റുമതി വർധിപ്പിക്കാൻ ഇന്ത്യ ശ്രമിക്കുന്നതിനിടെയാണ് ഈ നിർണായക നീക്കം. മെക്സിക്കോ ഈ മേഖലയിലെ രണ്ടാമത്തെ വലിയ സമ്പദ്വ്യവസ്ഥയും ലാറ്റിനമേരിക്കയുടെ ഒരു പ്രധാന കവാടവും ആണ്.
 
- വേദനയ്ക്ക് ആശ്വാസം നൽകുന്ന ‘തന്ത്രം’; ആയുർവേദ വേദനസംഹാരി എങ്ങനെ എളുപ്പത്തിൽ വീട്ടിലുണ്ടാക്കാം?
- യുദ്ധം നൽകിയ ‘സൗഭാഗ്യം’ തീരുന്നു! വോഡ്കയ്ക്കു വരെ വില കൂടും; ജനത്തെ പിഴിഞ്ഞ് റഷ്യ; ഇന്ത്യ പിന്നോട്ടു പോയാൽ പുട്ടിൻ കുടുങ്ങും
- ജയയെ അപമാനിച്ച കരുണാനിധിക്ക് ‘ഇടി’: പ്രസംഗ സമയം വരെ നിയന്ത്രിച്ച ‘അമ്മ’യുടെ വിശ്വസ്തൻ; വിജയ് ഒരു പടികൂടി മുന്നിൽ
MORE PREMIUM STORIES
∙ യുഎസിലേക്കുള്ള ചവിട്ടുപടി നഷ്ടം: ഇന്ത്യൻ കയറ്റുമതിക്കാർ അമേരിക്കൻ ഐക്യനാടുകളിലേക്കുള്ള ഉത്പന്നങ്ങളുടെ വിതരണ ശൃംഖലയിൽ മെക്സിക്കോയെ ഒരു പ്രധാന ഇടത്താവളമായി കണ്ടിരുന്നു. താരിഫ് ഉയർത്തുന്നതോടെ ഈ താരതമ്യ നേട്ടം നഷ്ടമാകും.
∙ മത്സരശേഷി കുറയും: തുണിത്തരങ്ങൾ, തുകൽ ഉത്പന്നങ്ങൾ, ഓട്ടമൊബീൽ ഘടകങ്ങൾ, സ്റ്റീൽ എന്നിവയുൾപ്പെടെയുള്ള പ്രധാന ഇന്ത്യൻ വ്യവസായങ്ങളുടെ മെക്സിക്കൻ വിപണിയിലെ മത്സരശേഷി ഗണ്യമായി കുറയും.
∙ ചെലവ് വർധന: മെക്സിക്കോ വഴി ലാറ്റിനമേരിക്കൻ വിതരണ ശൃംഖലകളിൽ പ്രവർത്തിക്കുന്ന ഇന്ത്യൻ സ്ഥാപനങ്ങളുടെ പ്രവർത്തനച്ചെലവു വർധിക്കും. ഇത് നിലവിലെ വിതരണ ശൃംഖലകൾ പുനഃക്രമീകരിക്കാൻ കമ്പനികളെ പ്രേരിപ്പിച്ചേക്കാം.
∙ ചില ഉത്പന്നങ്ങൾക്ക് 50% വരെ തീരുവയുണ്ടെങ്കിലും, മിക്കവയ്ക്കും 35 ശതമാനത്തിൽ താഴെയാണ് ചുമത്തിയിരിക്കുന്നത്. 2026 മുതൽ ഇത് പ്രാബല്യത്തിൽ വരും.
പിന്നിൽ യുഎസ് സമ്മർദമോ?
മെക്സിക്കോയുടെ ഈ സംരക്ഷണവാദപരമായ നീക്കത്തിന് പിന്നിൽ യുഎസിന്റെ ശക്തമായ സമ്മർദമുണ്ടെന്നാണ് വ്യാപാര വിദഗ്ധർ കരുതുന്നത്.
∙ യുഎസ്-മെക്സിക്കോ-കാനഡ കരാർ （യുഎസ്എംസിഎ） അവലോകനം: അടുത്ത വർഷം നടക്കുന്ന യുഎസ്-മെക്സിക്കോ-കാനഡ കരാർ അവലോകനത്തിനു മുന്നോടിയായുള്ള സമ്മർദതന്ത്രമായാണ് ഇതിനെ കാണുന്നത്.
∙ ചൈനീസ് ഉത്പന്നങ്ങൾ: ചൈനയിൽനിന്നുള്ള ഉത്പന്നങ്ങളോടുള്ള ട്രംപ് ഭരണകൂടത്തിന്റെ കടുത്ത നിലപാട് മെക്സിക്കൻ സർക്കാർ മനസ്സിലാക്കുന്നുണ്ട്. ഇതേ താരിഫ് മെക്സിക്കോയിലും നടപ്പാക്കുക വഴി, സ്റ്റീൽ, അലൂമിനിയം തുടങ്ങിയ തങ്ങളുടെ കയറ്റുമതികളെ യുഎസ് താരിഫുകളിൽനിന്ന് കരകയറ്റാൻ സഹായിക്കുമെന്നും മെക്സിക്കോ പ്രതീക്ഷിക്കുന്നു.
∙ തീരുവ ഘടനയിലെ സാമ്യം: നടപടിക്ക് യുഎസുമായി ബന്ധമുണ്ടെന്ന വാദം മെക്സിക്കൻ പ്രസിഡന്റ് ക്ലോദിയ ഷെയിൻബോം തള്ളിയെങ്കിലും പുതിയ താരിഫ് ഘടന യുഎസിന്റേതിനു സമാനമാണെന്നാണ് റിപ്പോർട്ടുകൾ സൂചിപ്പിക്കുന്നത്.
ഈ വിഷയത്തിൽ ഇന്ത്യൻ വാണിജ്യ മന്ത്രാലയം ഇതുവരെ ഔദ്യോഗിക പ്രസ്താവനകളൊന്നും ഇറക്കിയിട്ടില്ല. ചൈനയെയും ഇന്ത്യയെയും കൂടാതെ, ദക്ഷിണ കൊറിയ, തായ്ലൻഡ്, ഇന്തൊനീഷ്യ തുടങ്ങിയ രാജ്യങ്ങളും ഈ പട്ടികയിൽപ്പെടുന്നു. പാർലമെന്റിൽ അവതരിപ്പിച്ച ബില്ലിനെ 76 പേർ അനുകൂലിച്ചു. അഞ്ച് പേരാണ് എതിർത്തത്. 35 പേർ വിട്ടുനിന്നു. 2026 മുതൽ തീരുവ പ്രാബല്യത്തിൽ വരും. ഓട്ടമൊബീൽ, അതിന്റെ പാർട്സുകൾ ഉൾപ്പെടെയുള്ള വ്യാവസായിക ആവശ്യങ്ങൾക്കുള്ളവ, ഉപഭോക്തൃ ഉത്പന്നങ്ങൾ, ടെക്സ്റ്റൈൽ, തുണിത്തരങ്ങൾ, പ്ലാസ്റ്റിക്, മെറ്റൽ, പാദരക്ഷകൾ തുടങ്ങിയ ഉത്പന്നങ്ങളൊക്കെ തീരുവ ഉയർത്തുന്നവയിൽ ഉൾപ്പെടുന്നു. English Summary:
Mexico New Import Tariff: Mexico imposes new import tariffs of up to 50% on India, China, and other Asian nations without a trade agreement. Discover how this policy shift affects Indian exporters, key industries, and Latin American supply chains starting in 2026. |
