ന്യൂഡല്ഹി ∙ ബിഎല്ഒമാരെ ഭീഷണിപ്പെടുത്തുന്ന സംഭവങ്ങള് അംഗീകരിക്കാന് കഴിയില്ലെന്ന് സുപ്രീം കോടതി. ഇക്കാര്യങ്ങളിൽ തിരഞ്ഞെടുപ്പ് കമ്മിഷന്റെ ശ്രദ്ധ പതിയണമെന്നും സുപ്രീംകോടതി നിര്ദേശിച്ചു. ബംഗാൾ ഉള്പ്പെടെയുള്ള സംസ്ഥാനങ്ങളില് ബിഎല്ഒമാര് ഭീഷണി നേരിടുന്നു എന്ന ആരോപണത്തിലാണ് സുപ്രീം കോടതിയുടെ ഇടപെടല്. എസ്ഐആര് നടപടികളില് സംസ്ഥാന സര്ക്കാരുകള് സഹകരിക്കാതിരിക്കുക, ബിഎല്ഒമാരുടെ പ്രവര്ത്തനങ്ങള്ക്ക് തടസം സൃഷ്ടിക്കുക തുടങ്ങിയ സാഹചര്യങ്ങള് ഉണ്ടെങ്കില് കോടതിയെ അറിയിക്കണം. വിഷയത്തില് ആവശ്യമായ ഉത്തരവുകള് നല്കാന് സുപ്രീം കോടതി തയാറാണെന്നും രണ്ടംഗ ബെഞ്ച് വ്യക്തമാക്കി.
Also Read ‘വന്ദേമാതരം ബംഗാളിൽ മാത്രം ഒതുങ്ങി നിൽക്കുന്നതല്ല; അത് രാജ്യത്തിനുവേണ്ടി ജീവൻ ത്യജിക്കുന്നവർ ഉയർത്തുന്ന മുദ്രാവാക്യം’
ബംഗാളിലെ അന്തിമ വോട്ടര് പട്ടിക പ്രസിദ്ധീകരിക്കുന്നതുവരെ കമ്മിഷന്റെ ഡപ്യൂട്ടേഷനു കീഴില് സംസ്ഥാന പൊലീസ് ഉദ്യോഗസ്ഥരെ വിന്യസിക്കണമെന്ന് ആവശ്യപ്പെട്ട് സനാതനി സംഗദ് എന്ന സംഘടന സമര്പ്പിച്ച ഹര്ജിയില് സുപ്രീം കോടതി തിരഞ്ഞെടുപ്പ് കമ്മിഷനു നോട്ടിസ് അയച്ചു. എസ്ഐആര് പൂര്ത്തിയാകുന്നതുവരെ സംസ്ഥാനത്ത് കേന്ദ്ര സായുധ സേനയെ വിന്യസിക്കുന്നതിനു ബദല് നിര്ദേശം നല്കണമെന്ന് ആവശ്യപ്പെട്ടുള്ള ഹര്ജിയില് ബംഗാളിനും കോടതി നോട്ടിസ് അയച്ചിട്ടുണ്ട്.
Also Read ‘എത്ര വലിയ കമ്പനിയാണെങ്കിലും യാത്രക്കാരെ വലയ്ക്കാൻ പാടില്ല, സുരക്ഷയിൽ ഒത്തുതീർപ്പ് ഇല്ല; ഇൻഡിഗോക്കെതിരെ നടപടി’
ബിഎല്ഒമാര്ക്ക് ജോലിഭാരമില്ലെന്ന തിരഞ്ഞെടുപ്പ് കമ്മിഷന് അഭിഭാഷകന്റെ വാദം സുപ്രീം കോടതി തള്ളി. ഇത് ഡെസ്ക് ജോലിയല്ലെന്നും നാട്ടിലിറങ്ങിയുള്ള പണിയാണെന്നും കോടതി ഓർമിപ്പിച്ചു. ജോലിഭാരം കൂടുതല് ഉണ്ടെങ്കില് കൂടുതല് ഉദ്യോഗസ്ഥരെ നിയോഗിക്കാന് നേരത്തെ തന്നെ സര്ക്കാരുകള്ക്ക് നിര്ദേശം നല്കിയിട്ടുണ്ടെന്നും സുപ്രീം കോടതി ചൂണ്ടിക്കാട്ടി.
പ്രതിക്കൂട്ടിൽ പരസ്പരം നോക്കാതെ ദിലീപും പൾസർ സുനിയും ; ഉദ്വേഗത്തിൽ മുങ്ങിയ ആ 10 മിനിറ്റ് ; നടിയെ ആക്രമിച്ച കേസിൽ വിധി പ്രസ്താവം ഇങ്ങനെ
വോട്ടു ചെയ്യാൻ ബാങ്ക് പാസ്ബുക് മതി, പക്ഷേ കാലാവധി നോക്കണം; പ്രവാസി വോട്ടർമാർ എന്ത് രേഖ നൽകണം? ‘എൻഡ് ബട്ടൺ’ അമർത്താൻ മറന്നാൽ പ്രശ്നമാണോ?
‘പുസ്തകത്തെപറ്റി ചോദിക്കേണ്ടത് പ്രസാധകരോടല്ല, ട്രെയിനിൽ നടന്നു വിൽക്കുന്നവരോട്’
MORE PREMIUM STORIES
English Summary:
BLO Security: BLO Threats are unacceptable, according to the Supreme Court. The Supreme Court has directed the Election Commission to pay attention to these matters. The court reminded that this is not a desk job, it is a field job.
