ന്യൂഡൽഹി∙ ടാറ്റ ഗ്രൂപ്പ് മുൻ ചെയർമാൻ രത്തൻ ടാറ്റയുടെ വളർത്തമ്മയും നോയൽ ടാറ്റയുടെ അമ്മയുമായ സിമോൺ ടാറ്റ （95） അന്തരിച്ചു. വാർധക്യ സഹജമായ അസുഖങ്ങളെ തുടർന്ന് കഴിഞ്ഞ ഓഗസ്റ്റിൽ ആശുപത്രിയിൽ പ്രവേശിപ്പിച്ചിരുന്നു. മുംബൈയിലെ ബ്രീച്ച് കാൻഡി ആശുപത്രിയിലെ ചികിത്സയ്ക്ക് പിന്നാലെ ദുബായിലെ കിങ്സ് ആശുപത്രിയിലേയ്ക്ക് മാറ്റിയിരുന്നു. ടാറ്റാ ഗ്രൂപ്പിന് കീഴിലുള്ള ലാക്മെ എന്ന ബ്രാൻഡിനെ ലോകോത്തര കോസ്മെറ്റിക് ബ്രാൻഡായി വളർത്തുന്നതിൽ നിർണായക ശക്തിയായത് സിമോൺ ടാറ്റയാണ്.
Also Read അപൂർവനിമിഷം: വിമാനത്താവളത്തിൽ പുട്ടിനെ നേരിട്ടെത്തി സ്വീകരിച്ച് മോദി; ആലിംഗനം ചെയ്ത് വരവേൽപ്
ജനീവയിൽ ജനിച്ചു വളർന്ന സിമോൺ 1953ൽ വിനോദസഞ്ചാരിയായാണ് ഇന്ത്യയിലെത്തുന്നത്. അന്നാണ് അവർ നേവൽ ടാറ്റയെ കാണുന്നത്. 1955ൽ ഇവരുടെ വിവാഹം നടന്നു. പിന്നാലെ സിമോൺ ഇന്ത്യയിൽ സ്ഥിരതാമസമാക്കി. 1961ൽ ടാറ്റാ ഗ്രൂപ്പിന്റെ അനുബന്ധ സ്ഥാപനമായ ലാക്മെയിൽ മാനേജിങ് ഡയറക്ടറായി എത്തിയതോടെയാണ് ടാറ്റ ഗ്രൂപ്പുമായുള്ള സിമോൺ ടാറ്റയുടെ പ്രൊഫഷനൽ ജീവിതം തുടങ്ങിയത്. ബിസിനസ് മേഖലയിലെ പരിചയക്കുറവുണ്ടായിട്ടും ലാക്മെയെ ആഗോള ബ്രാൻഡാക്കി മാറ്റുന്നതിൽ സൗന്ദര്യവർധക വസ്തുക്കളിലുള്ള സിമോൺ ടാറ്റയുടെ വൈദഗ്ധ്യം നിർണായക പങ്ക് വഹിച്ചു. 1987 ൽ ടാറ്റ ഇൻഡ്സ്ട്രീസ് ബോർഡിലെത്തിയ സിമോൺ 1982 ൽ ലാക്മെ ചെയർപഴ്സനായി. 20 വർഷം ഈ കമ്പനിയിൽ അവർ സേവനമനുഷ്ഠിച്ചു.
Also Read ബിജെപി മന്ത്രിക്ക് രാജാ റാം ‘ബ്രിട്ടിഷ് ചാരൻ’, മോദിക്ക് പ്രചോദനം! ‘നാക്കുപിഴ’ ബംഗാളിൽ മമതയ്ക്ക് ആയുധം: എന്താണ് സംഭവിച്ചത്?
1996ൽ, ലാക്മെ ഹിന്ദുസ്ഥാൻ യുണിലിവറിന് വിറ്റു. പിന്നാലെ ഈ ഫണ്ട് ഉപയോഗിച്ചാണ് ട്രെൻഡ് സ്ഥാപിക്കുന്നത്. ട്രെൻഡിന് കീഴിലാണ് ടാറ്റയുടെ ജനകീയ ബ്രാൻഡുകളായ വെസ്റ്റ് സൈഡ്, സൂഡിയോ, സ്റ്റാർ ബസാർ തുടങ്ങിയവ. ഇതിലും സിമോൺ ടാറ്റയുടെ പങ്ക് നിർണാകമാണ്. 2006 വരെ ട്രെൻഡിന്റെ നോൺ എക്സിക്യൂട്ടീവ് ചെയർപേഴ്സനായി സേവനമനുഷ്ഠിച്ചു. ബിസിനസിൽ മാത്രമല്ല, ജീവകാരുണ്യ പ്രവർത്തനങ്ങളിലും സജീവമായിരുന്നു സിമോൺ ടാറ്റ.
ബിജെപി മന്ത്രിക്ക് രാജാ റാം ‘ബ്രിട്ടിഷ് ചാരൻ’, മോദിക്ക് പ്രചോദനം! ‘നാക്കുപിഴ’ ബംഗാളിൽ മമതയ്ക്ക് ആയുധം: എന്താണ് സംഭവിച്ചത്?
യുക്രെയ്നിൽ വിവാദമായി സ്വർണം പൂശിയ ശുചിമുറി’; അഴിമതിക്കാരെല്ലാം അടുപ്പക്കാർ; വിശ്വാസ്യത നഷ്ടപ്പെട്ട് സെലെൻസ്കി; രഹസ്യായുധം റഷ്യയുടേതോ?
0.3 സെക്കൻഡിൽ സ്പെൻസറെ പിന്നിലാക്കി മിൽഖ; പുല്ല് കാരണം സുരേഷിന് നഷ്ടമായത് സ്വർണം! രണ്ടാം പൊന്നിന് 20 വർഷം കാത്തിരുന്ന മലയാളി!
MORE PREMIUM STORIES
English Summary:
Simone Tata former chairperson of Trent Limited passed away: She was instrumental in transforming Lakme into a global cosmetics brand and played a vital role in the success of Trent Limited\“s popular brands like Westside and Zudi
