ന്യൂഡൽഹി∙ തദ്ദേശ തിരഞ്ഞെടുപ്പിന്റെ പശ്ചാത്തലത്തില് കേരളത്തിലെ എസ്ഐആർ നടപടികൾ മാറ്റിവയ്ക്കില്ലെന്ന് കേന്ദ്ര തിരഞ്ഞെടുപ്പ് കമ്മിഷന്. ഇക്കാര്യം വ്യക്തമാക്കി കൊണ്ടുള്ള സത്യവാങ്മൂലം കമ്മിഷൻ സുപ്രീംകോടതിയില് നൽകി. തദ്ദേശ തിരഞ്ഞെടുപ്പും എസ്ഐആറും ഒന്നിച്ചുപോകുമെന്നും തദ്ദേശ തിരഞ്ഞെടുപ്പ് നടപടികള് പൂര്ത്തിയായെന്നും കമ്മിഷന് കോടതിയെ അറിയിച്ചു. കമ്മിഷന് നല്കിയ സത്യവാങ്മൂലത്തില് കേരളത്തിന്റെ ഹര്ജി തള്ളണമെന്നും ആവശ്യപ്പെട്ടിട്ടുണ്ട്. എസ്ഐആറിനെതിരെ കേരള സർക്കാർ ഉൾപ്പെടെയുള്ളവർ സമർപ്പിച്ച ഹർജികൾ നാളെ സുപ്രീംകോടതി പരിഗണിക്കും. അതിനിടെ എസ്ഐആര് നടപടികള് തിരഞ്ഞെടുപ്പിന് തടസമല്ലെന്ന് ചൂണ്ടിക്കാട്ടി സംസ്ഥാന തിരഞ്ഞെടുപ്പ് കമ്മിഷനും സുപ്രീംകോടതിയില് സത്യവാങ്മൂലം സമര്പ്പിച്ചു.
- Also Read ‘പ്രചാരണത്തിനിറങ്ങുമ്പോൾ കാണും, കുടുംബ ബന്ധത്തെ ബാധിക്കില്ല; മത്സരം കഠിനം’; കോളയാട്ടെ ‘നാത്തൂൻ പോര്’
തദ്ദേശ തിരഞ്ഞെടുപ്പ് പരിഗണിച്ച് കേരളത്തിലെ എസ്ഐആര് നടപടികള് മാറ്റിവയ്ക്കണം എന്നാണ് സംസ്ഥാന സർക്കാരിന്റെയും രാഷ്ട്രീയ പാർട്ടികളുടെയും ആവശ്യം. എസ്ഐആര് ജോലിയിലെ സമ്മര്ദം കാരണം കേരളത്തില് ബിഎല്ഒ ആത്മഹത്യ ചെയ്ത കാര്യം രാഷ്ട്രീയ പാര്ട്ടികള് കോടതിയെ ധരിപ്പിച്ചിരുന്നു. എന്നാല് ബിഎല്ഒയുടെ മരണം എസ്ഐആര് ജോലി ഭാരം കൊണ്ടല്ലെന്നും കേന്ദ്ര തിരഞ്ഞെടുപ്പ് കമ്മിഷന് കോടതിയില് വ്യക്തമാക്കി.
- Also Read ബിജെപിക്ക് വടക്കുകിഴക്ക് നിറയെ വെല്ലുവിളി; സെനിത്ത് സാങ്മയിലൂടെ നല്ല തുടക്കത്തിനു കോൺഗ്രസ്; മലമുകളിൽ മുഴങ്ങുന്നതെന്ത്?
നേരത്തേ എസ്ഐആര് നിര്ത്തിവയ്ക്കുന്നതില് ഇടപെടാന് വിസമ്മതിച്ച കേരള ഹൈക്കോടതി സംസ്ഥാനത്തിനോടു സുപ്രീംകോടതിയെ സമീപിക്കാന് ആവശ്യപ്പെടുകയായിരുന്നു. വോട്ടര്മാരില് നിന്ന് വിവരങ്ങള് അടങ്ങിയ ഫോമുകള് തിരികെ നല്കാനുള്ള സമയം ഡിസംബര് 11 വരെയാണ് നീട്ടിയിരിക്കുന്നത്. കരട് വോട്ടര് പട്ടിക 16ന് പ്രസിദ്ധീകരിക്കും.
 
- ‘രാഷ്ട്രീയ എതിരാളിയെ വിജയ് കൃത്യമായി ‘മാർക്ക്’ ചെയ്തിട്ടുണ്ട്, ഉപദേശിക്കാൻ ഞാനില്ല’; ഇടതാണോ കമൽ ഹാസന്റെ രാഷ്ട്രീയം?
- ‘സ്വകാര്യതയ്ക്കായി സച്ചിനും വച്ചു പിആർ ടീമിനെ; ഹിപ്പികൾ കാണിച്ചതുവച്ച് നോക്കിയാൽ ജെൻ സീ മര്യാദക്കാർ; ഹിറ്റ് പരസ്യവാചകം വെയ്റ്റർ തന്നത്!’
- കട്ടിലിനു സമീപം ഇരിക്കുന്ന അജ്ഞാതൻ; ഉറക്കം കെടുത്തുന്ന ‘പ്രേതാനുഭവം’: എന്താണ് നാം ‘നിശ്ചലമാകുന്നതിനു’ പിന്നിൽ? രക്ഷപ്പെടാനാവില്ലേ?
MORE PREMIUM STORIES
English Summary:
Election Commission Refuses to Postpone SIR in Kerala: Commission has informed the Supreme court via affidavit that local body elections and SIR procedures can happen together. Kerala government\“s plea has been rejected by the commission. |
