തിരുവനന്തപുരം∙ കേന്ദ്ര ലേബര്‍ കോഡ് അതേപടി ഏകപക്ഷീയമായി നടപ്പാക്കാന്‍ കേരളം തയാറല്ലെന്ന് തൊഴില്‍, വിദ്യാഭ്യാസമന്ത്രി വി.ശിവന്‍കുട്ടി. വിഷയം ചര്‍ച്ച ചെയ്യാന്‍ നാളെ ട്രേഡ് യൂണിയനുകളുടെ യോഗം വിളിച്ചിട്ടുണ്ട്. ചട്ടങ്ങള്‍ രൂപീകരിക്കാന്‍ സംസ്ഥാനങ്ങള്‍ക്ക് മേല്‍ കടുത്ത സമ്മര്‍ദ്ദം ഉണ്ടായിരുന്നു. കഴിഞ്ഞ നവംബര്‍ 11, 12 തീയതികളില്‍ ഡല്‍ഹിയില്‍ നടന്ന സംസ്ഥാന തൊഴില്‍ മന്ത്രിമാരുടെ യോഗത്തില്‍ ലേബര്‍ കോഡുകളിലെ തൊഴിലാളി വിരുദ്ധ വ്യവസ്ഥകള്‍ ചൂണ്ടിക്കാട്ടി കേരളത്തിന്റെ ശക്തമായ വിയോജിപ്പ് കേന്ദ്ര തൊഴില്‍ മന്ത്രിയെ അറിയിച്ചിരുന്നുവെന്നും മന്ത്രി പറഞ്ഞു.
Also Read കേന്ദ്ര സർക്കാർ നടപ്പിലാക്കിയ ലേബർ കോഡ് പിൻവലിക്കണം; ട്രേഡ് യൂണിയനുകളുടെ ദേശീയ പ്രതിഷേധം
ഇടതുമുന്നണിയും ഇടത് അനുകൂല സംഘടനകളും അറിയാതെ തൊഴിൽ വകുപ്പ് 2021 ഡിസംബര്‍ 14ന് ‘വേതന കോഡി’ന് കരട് ചട്ടം വിജ്ഞാപനം ചെയ്തത് വിവാദമായ പശ്ചാത്തലത്തിലാണ് മന്ത്രിയുടെ വിശദീകരണം. രഹസ്യമായി ‘പിഎം ശ്രീ’ ഒപ്പിട്ടതു വിവാദമായതിനു പിന്നാലെ മന്ത്രി ശിവന്‍കുട്ടിയുടെ തൊഴില്‍ വകുപ്പ് രഹസ്യമായി ലേബര്‍ കോഡ് കരടുചട്ടം ഉണ്ടാക്കിയതും വിവാദമായിരിക്കുകയാണ്.
Also Read ലേബർ കോഡ്: മുന്നണിയും യൂണിയനുകളും അറിയാതെ കേരളത്തിൽ കരടുചട്ടം; തൊഴിൽവകുപ്പ് വിജ്ഞാപനം 2021 ഡിസംബറിൽ
തൊഴിലാളി സംഘടനാ പ്രതിനിധികളുടെ യോഗം വിളിച്ചു ചേര്‍ക്കുമെന്ന ഉറപ്പ് ലംഘിച്ചാണ് കേന്ദ്രസര്‍ക്കാര്‍ തിടുക്കപ്പെട്ട് വിജ്ഞാപനം പുറപ്പെടുവിച്ചതെന്നും മന്ത്രി പറഞ്ഞു. ഈ പശ്ചാത്തലത്തില്‍ ട്രേഡ് യൂണിയന്‍ പ്രതിനിധികളുടെ അടിയന്തര യോഗം നാളെ വിളിച്ചു ചേര്‍ത്തിട്ടുണ്ട്. യൂണിയനുകളുടെ അഭിപ്രായം കേട്ട ശേഷം മാത്രമേ സര്‍ക്കാര്‍ തുടര്‍നടപടികളിലേക്ക് കടക്കൂ. കൂടാതെ, തിരുവനന്തപുരത്ത് ദേശീയ ലേബര്‍ കോണ്‍ക്ലേവ് സംഘടിപ്പിക്കും. ബിജെപി ഇതര സംസ്ഥാനങ്ങളിലെ തൊഴില്‍ മന്ത്രിമാരെ കോണ്‍ക്ലേവിലേക്ക് ക്ഷണിക്കും. രാജ്യത്തെ പ്രമുഖ ട്രേഡ് യൂണിയന്‍ നേതാക്കളെയും നിയമ വിദഗ്ധരെയും പങ്കെടുപ്പിക്കും. തൊഴിലാളികളുടെ അവകാശങ്ങള്‍ സംരക്ഷിച്ചു കൊണ്ട് മാത്രമേ കേരള സര്‍ക്കാര്‍ ഏതൊരു തീരുമാനവും കൈക്കൊള്ളുകയുള്ളൂവെന്നും മന്ത്രി പറഞ്ഞു.
അഗ്നിപർവതം പൊട്ടിയാൽ വിമാനങ്ങൾ നിലം പൊത്തുമോ? ഇത്യോപ്യയിൽ പൊട്ടിയാൽ ഇന്ത്യയിലെന്താണു പ്രശ്നം?
നടൻ ദിലീപ് നിരപരാധി തന്നെ; ജയിച്ചാൽ മേയറാകുമോ? ആർ. ശ്രീലേഖ പറയുന്നു...
MORE PREMIUM STORIES
English Summary:
Kerala Government to Discuss Labor Code with Trade Unions: Kerala Labor Code is under discussion as the state government is not prepared to implement the central labor code unilaterally. The government is holding a meeting with trade unions to discuss the matter and ensure that any decisions protect the rights of workers.
