cy520520•The day before yesterday 11:53• views 260
ജയ്പുർ ∙ പാടത്ത് ജോലി ചെയ്യുമ്പോൾ ആക്രമിക്കാനെത്തിയ പുള്ളിപ്പുലിയെ കർഷകൻ കോടാലി കൊണ്ടു വെട്ടിക്കൊലപ്പെടുത്തി. രാജസ്ഥാനിലെ ബെഹ്റോർ ജില്ലയിലെ ഖാർകാഡി ഗ്രാമത്തിലാണ് സംഭവം. ഇവിടെ വനത്തോടു ചേർന്നുള്ള പാടത്ത് ആടിനു തീറ്റ ശേഖരിക്കാനെത്തിയ ശ്രാവൺ ഗുർജാർ （48） എന്ന കർഷകനെയാണ് പുള്ളിപ്പുലി ആക്രമിച്ചത്.
What you should read next
റീൽസിന് വേണ്ടി ആത്മഹത്യ അഭിനയിക്കുന്നതിനിടെ 27കാരിക്ക് ദാരുണാന്ത്യം; തെളിവായി മകളുടെ വാക്കുകൾ Latest News
ആടുകൾക്ക് തീറ്റ ശേഖരിക്കുന്നതിനിടെ ശ്രാവണിനെ കുറ്റിക്കാട്ടിൽ പതുങ്ങിനിന്ന പുള്ളിപ്പുലി ആക്രമിക്കുകയായിരുന്നു. കോടാലി കൊണ്ടു മരക്കൊമ്പുകൾ മുറിക്കുന്നതിനിടെയായിരുന്നു ആക്രമണം. പുള്ളിപ്പുലിയുടെ ആക്രമണത്തിൽ പരുക്കേറ്റെങ്കിലും സ്വയം രക്ഷയ്ക്കായി ശ്രാവൺ പുലിയെ കോടാലി കൊണ്ടു അടിച്ചുകൊല്ലുകയായിരുന്നു.
പരുക്കേറ്റ കർഷകനെ അൽവാറിലെ ആശുപത്രിയിൽ പ്രവേശിപ്പിച്ചു. അതേസമയം പുലിയുടെ ജഡം വനംവകുപ്പ് ഉദ്യോഗസ്ഥരെത്തി കൊണ്ടുപോയി. സംഭവത്തിൽ വന്യജീവി സംരക്ഷണ നിയമങ്ങൾ അനുസരിച്ച് കേസെടുക്കുമെന്ന് ഉദ്യോഗസ്ഥർ വ്യക്തമാക്കി.
JUST IN
28 MINUTES AGO കോട്ടയിൽ മൂന്ന് നില കെട്ടിടം തകർന്നു; ഒട്ടേറെ പേർ കുടുങ്ങിക്കിടക്കുന്നു, രക്ഷാപ്രവർത്തനം തുടരുന്നു Latest News
1 HOUR 9 MINUTES AGO 2 വർഷം കൂടുമ്പോൾ വീണ്ടും വിവാഹം, നാലാം തവണ യുവാവ് കുടുങ്ങി; പരാതി നൽകാൻ 3 ഭാര്യമാരും ഒരുമിച്ചു Latest News
