ഓഫ് റോഡിൽ നിന്ന് തിരഞ്ഞെടുപ്പ് ട്രാക്കിലേക്ക് ഗിയർ മാറ്റിയ റിയയ്ക്ക് തകർപ്പൻ ജയം !

  



കോട്ടയം ∙ ഓഫ് റോഡ് ജീപ്പിന്റെ വളയം പിടിച്ച് തദ്ദേശ തിരഞ്ഞെടുപ്പ് പോരാട്ടത്തിനൊരുങ്ങിയ റിയ ചീരാംകുഴിയ്ക്ക് തകർപ്പൻ ജയം. പാലാ നഗരസഭ കവീകുന്ന് 8–ാം വാർഡ് യുഡിഎഫ് സ്ഥാനാർഥിയായാണ് റിയ മത്സരിച്ചത്. വനിത വാർഡ് കൂടിയായിരുന്നു ഇത്. പിതാവ് ബിനോ പകർന്നു നൽകിയ ജീപ്പ് റേസിങ് കമ്പമാണ് റിയയെ ഓഫ് റോഡിങ്ങിന്റെ ലോകത്ത് എത്തിച്ചത്.

എട്ടാം ക്ലാസ് മുതൽ തന്നെ ഡ്രൈവിങ് പരിശീലനം നടത്തി. 8 വയസ്സായപ്പോൾ ലൈസൻസ് എടുത്തു. അതിനുശേഷം ഓഫ് റോഡ് ഇവന്റുകളിൽ മത്സരിക്കാൻ പോകുമായിരുന്നു. 2014ൽ പാലായിൽ ആണ് ആദ്യമായി ട്രാക്കിൽ ഇറങ്ങുന്നത്. അതിൽ വിജയിച്ചതോടെ ഹരമായി മാറുകയായിരുന്നു. 22 വയസ്സായപ്പോൾ ഹെവി ലൈസൻസ് എടുത്ത് ഹെവി വാഹനങ്ങൾ ഓടിക്കാൻ തുടങ്ങി. അധ്യാപിക കൂടിയാണ് റിയ.

Disclaimer: ഈ വാർത്തയ്ക്കൊപ്പം ഉപയോഗിച്ചിരിക്കുന്ന ചിത്രങ്ങൾ മലയാള മനോരമയുടേതല്ല. ഇത് riya_bino/ എന്ന ഇൻസ്റ്റഗ്രാം അക്കൗണ്ടിൽ നിന്ന് എടുത്തിട്ടുള്ളതാണ്. ഈ വാർത്ത കൂടുതൽ വ്യക്തവും സമഗ്രവുമാക്കുന്നതിനാണ് ഈ ചിത്രം ഉപയോഗിച്ചിരിക്കുന്നത്. English Summary:
Riya Cheeramkuzhy, an off-road jeep enthusiast, secured a resounding victory in the Pala Municipality election. Her unique background and passion for off-road driving resonated with voters, leading to her success in the Kavikunnu ward.