ആലപ്പുഴ ∙ ഓൺലൈൻ ഓഹരിത്തട്ടിപ്പിലൂടെ തൃക്കുന്നപ്പുഴ സ്വദേശിയിൽ നിന്നു 16.6 ലക്ഷം രൂപ തട്ടിയ സംഘത്തിലെ തിരുവനന്തപുരം സ്വദേശിനി അറസ്റ്റിൽ. തിരുവനന്തപുരം തിരുമല പൂത്തേരിൽ വീട്ടിൽ ആര്യ ദാസിനെയാണ് （33） സൈബർ പൊലീസ് അറസ്റ്റ് ചെയ്തത്.
Also Read എവിടെനിന്ന് എങ്ങനെ..?; സ്ഥാനാർഥികളെയും തിരഞ്ഞെടുപ്പ് ഫണ്ടും കണ്ടെത്തുന്നതിന് പാർട്ടികളുടെ രീതികൾ എന്തൊക്കെ
ആര്യക്കെതിരെ വിവിധ സംസ്ഥാനങ്ങളിലായ 28 കേസുകളുണ്ടെന്നു പൊലീസ് പറഞ്ഞു. സ്വകാര്യ ഓഹരി ട്രേഡിങ് കമ്പനിയുടെ പ്രതിനിധി എന്നു പരിചയപ്പെടുത്തിയാണു യുവതിയും സംഘവും സമൂഹമാധ്യമം വഴി തട്ടിപ്പിനിരയായ ആളെ പരിചയപ്പെട്ടത്.
പിന്നീട് വ്യാജ ഓഹരി ട്രേഡിങ് ആപ്ലിക്കേഷൻ ഫോണിൽ ഇൻസ്റ്റാൾ ചെയ്യിപ്പിച്ചു. ഇതിലൂടെ പ്രതികൾ നിർദേശിച്ച ബാങ്ക് അക്കൗണ്ടുകളിലേക്കു പണം അയച്ചു. 2 മാസത്തിനിടെ 16.6 ലക്ഷം രൂപ കൈമാറി. പണം പിൻവലിക്കാൻ ശ്രമിച്ചപ്പോൾ പറ്റാതെ വന്നതോടെയാണു തട്ടിപ്പാണെന്നു ബോധ്യമായത്.
