വെനസ്വേല വഴി ഇറാന് യുഎസ് ഒരുക്കിയ പൂട്ട്; ആ ബാക്കപ് പ്ലാൻ ഇൻഷുറൻസോ?
https://img-mm.manoramaonline.com/content/dam/mm/mo/archive/news/just-in/images/2026/3/1/maduro-trump-khamanai.jpg?w=1120&h=583പശ്ചിമേഷ്യയിൽ യുദ്ധമേഘങ്ങൾ ഉരുണ്ടുകൂടുമ്പോൾ ലോകം ഉറ്റുനോക്കുന്നത് ഒരു വലിയ ചോദ്യത്തിലേക്കാണ് - ഇറാനെതിരെയുള്ള സൈനിക നീക്കങ്ങൾക്കു മുൻപുതന്നെ ആഗോള എണ്ണവിപണിയെ യുഎസ് സുരക്ഷിതമാക്കിയിരുന്നോ? യുദ്ധം തുടങ്ങുന്നത് തോക്കുകൾ കൊണ്ടല്ല, വിപണികളിലാണ് എന്ന യാഥാർഥ്യം ഇവിടെ തെളിയുന്നു.
വെനസ്വേല: നിശബ്ദമായ ആദ്യ നീക്കം
ഇറാനെ സാമ്പത്തികമായി തകർക്കുക എന്നത് യുഎസിന്റെ ദീർഘകാല ലക്ഷ്യമാണ്. എന്നാൽ അതിനു വലിയൊരു വിലങ്ങുതടിയുണ്ട് – ആഗോള എണ്ണവില. ഇറാനെതിരെയുള്ള ഏതൊരു നീക്കവും എണ്ണവില കുതിച്ചുയരാൻ കാരണമാകും. ഈ പ്രതിസന്ധിക്കു പരിഹാരമായി യുഎസ് കണ്ടത് വെനസ്വേലയെയാണ്. ലോകത്തിലെ ഏറ്റവും വലിയ എണ്ണശേഖരമുള്ള വെനസ്വേലയിൽ നിക്കോളാസ് മഡുറോയുടെ ഭരണം അവസാനിച്ചതും അദ്ദേഹം യുഎസിന്റെ തടവിലായതും വെറുമൊരു രാഷ്ട്രീയ അട്ടിമറിയല്ല. മറിച്ച്, ആഗോള എണ്ണവിപണിയിലേക്ക് ഇറാനിൽനിന്നുള്ള ക്രൂഡോയിൽ എത്താതായാൽ ഉണ്ടാകുന്ന വിടവു നികത്താനുള്ള യുഎസിന്റെ മുൻകരുതലായിരുന്നു ഇതെന്നു കരുതേണ്ടിവരും. വെനസ്വേലയിലെ എണ്ണ ഉൽപാദനം പുനഃസ്ഥാപിക്കുന്നതിലൂടെ ലോകവിപണിയിൽ എണ്ണലഭ്യത ഉറപ്പാക്കാൻ യുഎസിനു സാധിക്കുന്നു.
What you should read next
[*] ‘ഒറ്റയടിക്ക് 48 നേതാക്കളെ വധിച്ചു; യുഎസിന്റെ വിജയം അവിശ്വസനീയം’ Latest News
[*]
[*]
https://img-mm.manoramaonline.com/content/dam/mm/mo/config-assets/mo-default.jpg?w=100&h=100
ഹോർമുസ് കടലിടുക്കും ഇറാന്റെ ഭീഷണിയും
ലോകത്തെ എണ്ണക്കപ്പലുകളുടെ 20 ശതമാനവും കടന്നുപോകുന്ന ഹോർമുസ് കടലിടുക്ക് ഇറാന്റെ കയ്യിലെ ഏറ്റവും വലിയ തുറുപ്പുചീട്ടാണ്. തങ്ങൾ ആക്രമിക്കപ്പെട്ടാൽ ഹോർമുസ് അടയ്ക്കുമെന്ന് ഇറാൻ പലപ്പോഴും ഭീഷണി മുഴക്കിയിട്ടുണ്ട്. അതുണ്ടായാൽ ആഗോള സമ്പദ്വ്യവസ്ഥ തകരും. ഈ ഭീഷണിയെ മറികടക്കാൻ യുഎസിന് ഒരു ബാക്കപ്പ് പ്ലാൻ ആവശ്യമായിരുന്നു. വെനസ്വേലയിൽനിന്നുള്ള എണ്ണ വിതരണവും യുഎസിന്റെ സ്വന്തം ഷെൽ ഓയിൽ ഉൽപാദനവുമാണ് ‘ഹോർമുസ് ഭീഷണി’യിൽ നിന്നുള്ള സുരക്ഷാ വലയം തീർക്കുന്നത്.
ഒപെക് പ്ലസും ചൈന ഘടകവും
ഇന്ന് എണ്ണ വിപണി സങ്കീർണമാണ്. സൗദി അറേബ്യയും റഷ്യയും നയിക്കുന്ന ഒപെക് പ്ലസ് കൂട്ടായ്മ ഉൽപാദനം കുറച്ച് വില വർധിപ്പിക്കാൻ ശ്രമിക്കുമ്പോൾ, അതിനെ പ്രതിരോധിക്കാൻ വെനസ്വേലയെപ്പോലുള്ള രാജ്യങ്ങളെ ഒപ്പം നിർത്തേണ്ടത് യുഎസിന്റെ ആവശ്യമാണ്. മറുവശത്ത്, ചൈന ഇറാന്റെയും വെനസ്വേലയുടെയും വലിയൊരു ഉപഭോക്താവാണ്. യുഎസ് ഉപരോധങ്ങളെ മറികടക്കാൻ ഇവർക്ക് ചൈന നൽകുന്ന പിന്തുണ തകർക്കുക എന്നതും യുഎസിന്റെ നീക്കങ്ങൾക്കു പിന്നിലുണ്ട്. അങ്ങനെവരുമ്പോൾ, ഇപ്പോൾ നടക്കുന്നത് ഒരു യുഎസ് - ഇറാൻ പോരാട്ടമല്ല, മറിച്ച് ആഗോള ഊർജ നിയന്ത്രണത്തിനു വേണ്ടിയുള്ള യുഎസ് - ചൈന മത്സരത്തിന്റെ ഭാഗം കൂടിയാണ്. ADVERTISEMENT Go AD-FREE
ഇൻഷുറൻസും ഷിപ്പിങ് പ്രതിസന്ധിയും
യുദ്ധമുണ്ടായാൽ എണ്ണക്കപ്പലുകളുടെ ഇൻഷുറൻസ് തുക വർധിക്കുകയും പാതകൾ മാറേണ്ടി വരികയും ചെയ്യും. ഇത് എണ്ണവില വർധിപ്പിക്കും. സൈനിക തയാറെടുപ്പിനൊപ്പം, ഇത്തരം സാമ്പത്തിക ആഘാതങ്ങൾ കുറയ്ക്കാനുള്ള ഇൻഷുറൻസ് സ്റ്റാബിലിറ്റി പ്ലാനുകളും ഷിപ്പിങ് സുരക്ഷാ ക്രമീകരണങ്ങളും യുഎസ് മാസങ്ങൾക്കു മുമ്പേ ആസൂത്രണം ചെയ്തിട്ടുണ്ടാകാം.
What you should read next
[*] ചുവന്ന കൊടി ഉയർത്തി ഇറാൻ; ‘പ്രതികാരത്തിന്റെ പതാക’ നൽകുന്ന സന്ദേശമെന്ത്? Latest News
[*]
[*]
https://img-mm.manoramaonline.com/content/dam/mm/mo/config-assets/mo-default.jpg?w=100&h=100
മാസങ്ങൾ നീണ്ട ആസൂത്രണം
ഇറാന്റെ മേൽ ഇപ്പോൾ നടക്കുന്ന ഓരോ സൈനിക നീക്കത്തിനു പിന്നിലും മാസങ്ങൾ നീണ്ട സാമ്പത്തിക ആസൂത്രണമുണ്ട്. യുഎസ് തന്നെ അതു സൂചിപ്പിക്കുകയും ചെയ്തു. വെനസ്വേലയിലെ ഭരണമാറ്റം മുതൽ ഗൾഫിലെ യുദ്ധക്കപ്പലുകളുടെ വിന്യാസം വരെ ഒരു വലിയ തിരക്കഥയുടെ ഭാഗമാണ്. എണ്ണവില നിയന്ത്രിക്കാൻ കഴിയുമെന്ന ആത്മവിശ്വാസം ലഭിച്ച ശേഷമാണ് യുഎസ് ഇറാനെതിരെ നേരിട്ടുള്ള നീക്കങ്ങളിലേക്കു കടക്കുന്നത്. വിപണിയെ സുരക്ഷിതമാക്കിയ ശേഷമുള്ള ഈ യുദ്ധം ലോകക്രമത്തെ എങ്ങനെ മാറ്റിമറിക്കുമെന്ന് കണ്ടുതന്നെ അറിയണം. ADVERTISEMENT Go AD-FREE
JUST IN
[*]
10 SECONDS AGO വെനസ്വേല വഴി ഇറാന് യുഎസ് ഒരുക്കിയ പൂട്ട്; ആ ബാക്കപ് പ്ലാൻ ഇൻഷുറൻസോ? Latest News
[*]
[*]
https://img-mm.manoramaonline.com/content/dam/mm/mo/config-assets/mo-default.jpg?w=100&h=100
[*]
20 MINUTES AGO ‘ഒറ്റയടിക്ക് 48 നേതാക്കളെ വധിച്ചു; യുഎസിന്റെ വിജയം അവിശ്വസനീയം’ Latest News
[*]
[*]
https://img-mm.manoramaonline.com/content/dam/mm/mo/config-assets/mo-default.jpg?w=100&h=100
[*]
1 HOUR 13 MINUTES AGO ചുവന്ന കൊടി ഉയർത്തി ഇറാൻ; ‘പ്രതികാരത്തിന്റെ പതാക’ നൽകുന്ന സന്ദേശമെന്ത്? Latest News
[*]
[*]
https://img-mm.manoramaonline.com/content/dam/mm/mo/config-assets/mo-default.jpg?w=100&h=100
VIEW MORE
English Summary:
US-Iran Conflict: US strategy of leveraging Venezuela\“s vast oil reserves as an economic weapon against Iran. Learn how this move aims to stabilize global oil prices, counter Iran\“s threat to the Strait of Hormuz, and play a role in the wider US-China energy competition.
Pages:
[1]